દિલ્હીમાં ચાલતી ટ્રેનમાં આગ લાગવાથી અફરાતફરી મચી ગઈ હતી. મળતી માહિતી મુજબ તાજ એક્સપ્રેસ ટ્રેન નંબર ૧૨૨૮૦ની ત્રણ બોગીમાં ભીષણ આગ લાગી હતી. સદનસીબે આ અકસ્માતમાં કોઈ મુસાફરને નુક્સાન થયું નથી. હાલ આગ પર કાબૂ મેળવવાના પ્રયાસો કરવામાં આવી રહ્યા છે. આગ કેવી રીતે લાગી તે અંગેની માહિતી હજુ સામે આવી નથી.
દિલ્હી ફાયર સવસના ડિરેક્ટર અતુલ ગર્ગનું કહેવું છે કે આગમાં કોઈ જાનહાનિ થઈ નથી. ફાયર બ્રિગેડના જવાનો આગ પર કાબૂ મેળવવામાં વ્યસ્ત છે. બોગી નંબર ડી-૩, ડી-૪ અને ડી-૨ના નાના ભાગમાં આગ લાગી હતી. આગના કારણે આ રૂટ પરની ચાર જેટલી ટ્રેનોના સંચાલનને અસર થઈ છે. અન્ય ટ્રેનોના મુસાફરોને મુશ્કેલીનો સામનો કરવો પડ્યો હતો.