જનતા દળ યુનાઇટેડની રાષ્ટ્રીય કાર્યકારિણીની બેઠક ૨૯ જૂને યોજાવાની છે. આ બેઠક દિલ્હીમાં યોજાશે. જેમાં સીએમ નીતિશ કુમાર સહિત પાર્ટીના તમામ વરિષ્ઠ નેતાઓ ભાગ લેશે. જેડીયુએ આ માટે તૈયારીઓ શરૂ કરી દીધી છે. લોક્સભા ચૂંટણી બાદ આ પ્રથમ બેઠક હશે. અગાઉ, જેડીયુની રાષ્ટ્રીય કાર્યકારિણીની બેઠક ડિસેમ્બર ૨૦૨૩માં થઈ હતી. આ બેઠકમાં લલન સિંહે રાષ્ટ્રીય અયક્ષ પદ છોડી દીધું હતું. આ પછી, પાર્ટીના નેતાઓએ નીતિશ કુમારને રાષ્ટ્રીય અધ્યક્ષ પદ પર પુન:સ્થાપિત કર્યા.
સૂત્રોનું માનીએ તો, નીતિશ કુમાર જેડીયુની રાષ્ટ્રીય કાર્યકારિણી બેઠકની અધ્યક્ષતા કરશે. બેઠકમાં લોક્સભા ચૂંટણીના પરિણામો પર પણ ચર્ચા કરવામાં આવશે. આ વખતે જેડીયુએ ૧૬ બેઠકો પર પોતાના ઉમેદવારો ઉતાર્યા અને ૧૨ બેઠકો જીતી. આ સિવાય જેડીયુએ બે વર્ષ બાદ કેન્દ્રીય કેબિનેટમાં પ્રવેશ કર્યો છે.
સીએમ નીતીશ કુમાર અને તેમની પાર્ટી ફરી એકવાર હેડલાઇન્સમાં છે. ૧૨ લોક્સભા બેઠકો જીતીને, ત્નડ્ઢેં રાષ્ટ્રીય લોક્તાંત્રિક ગઠબંધનમાં ત્રીજી સૌથી મોટી પાર્ટી બની. જેડીયુમાંથી, તેના બે સાંસદો આ વખતે મોદી કેબિનેટના સભ્ય છે. લાલન સિંહને કેન્દ્રીય મંત્રી અને રામનાથ ઠાકુરને કેન્દ્રીય રાજ્ય મંત્રી બનાવવામાં આવ્યા છે. અટલ બિહારી વાજપેયી સરકાર પછી આ પહેલીવાર છે જ્યારે સીએમ નીતિશ કુમારની પાર્ટીના બે નેતાઓને કેન્દ્રીય કેબિનેટમાં સામેલ કરવામાં આવ્યા છે. અગાઉ ૨૦૨૧માં આરસીપી સિંહ એકલા કેબિનેટમાં સામેલ થયા હતા. હવે લાલન સિંહ અને રામનાથ ઠાકુરને મંત્રી બનાવવામાં આવ્યા છે.