નવીદિલ્હી, આમ આદમી પાર્ટીના નેતા અને રાજ્યસભાના સાંસદ સંજય સિંહ દિલ્હીમાં કથિત દારૂ કૌભાંડ કેસમાં જેલમાં છે. તાજેતરમાં જ તેણે જામીન માટે દિલ્હી હાઈકોર્ટનો સંપર્ક કર્યો હતો. જે બાદ હવે હાઈકોર્ટે એન્ફોર્સમેન્ટ ડિરેક્ટોરેટને નોટિસ પાઠવી છે.
પ્રાપ્ત માહિતી અનુસાર, રાજ્યસભા સાંસદ સંજય સિંહની જામીન અરજી પર નોટિસ જારી કરતા કોર્ટે સુનાવણીની તારીખ ૨૯ નવેમ્બર ૨૦૨૪ નક્કી કરી છે. તાજેતરમાં ટ્રાયલ કોર્ટે તેને જામીન આપવાનો ઇન્કાર કરી દીધો હતો. જે બાદ તે જામીન માટે દિલ્હી હાઈકોર્ટ પહોંચ્યો હતો.દિલ્હી હાઈકોર્ટે એક્સાઈઝ પોલિસી મની લોન્ડરિંગ કેસમાં AAP સાંસદ સંજય સિંહની નિયમિત જામીન અરજી પર એન્ફોર્સમેન્ટ ડિરેક્ટોરેટ (ઈડી)ને નોટિસ ફટકારી છે. સુનાવણીની આગામી તારીખ ૨૯ જાન્યુઆરી, ૨૦૨૪ છે.
આપ સાંસદ સંજય સિંહ હાલમાં દિલ્હી લિકર પોલિસી કેસમાં જેલમાં છે. એન્ફોર્સમેન્ટ ડિરેક્ટોરેટ (ઈડી) દ્વારા ૪ ઓક્ટોબરે એક્સાઇઝ પોલિસી કૌભાંડ કેસમાં સંજય સિંહની ધરપકડ કરવામાં આવી હતી. ઈડીએ આરોપ મૂક્યો છે કે સંજય સિંહે હવે બંધ થઈ ગયેલી એક્સાઈઝ ડ્યુટી નીતિના ઘડતર અને અમલીકરણમાં મુખ્ય ભૂમિકા ભજવી હતી, જેના કારણે કેટલાક દારૂ ઉત્પાદકો, જથ્થાબંધ વેપારીઓ અને છૂટક વિક્રેતાઓને નાણાકીય લાભ થયો હતો. ૨૨ ડિસેમ્બરના રોજ, ટ્રાયલ કોર્ટે તેમની જામીન અરજી ફગાવી દીધી હતી, એમ કહીને કે પ્રથમ દ્રષ્ટીએ તેમની સામેનો કેસ સાચો હતો અને પુરાવાઓ કથિત ગુનામાં તેમની સંડોવણી દર્શાવે છે. આ પછી સંજય સિંહે હાઈકોર્ટમાં જામીન અરજી દાખલ કરી છે.