મુંબઈ, ભારતીય ક્રિકેટ ટીમના કેપ્ટન વિરાટ કોહલી અત્યારે આઈપીએલના કારણે દુબઈમાં છે. પતિને સપોર્ટ કરવા માટે પત્ની અનુષ્કા શર્મા પણ અત્યારે દુબઈમાં જ છે. તાજેતરમાં જ વિરાટ કોહલીએ દુબઈની પોતાની એક તસવીર સોશિયલ મીડિયાના ઈન્સ્ટાગ્રામ પ્લેટફોર્મ પર શેર કરી છે. આ તસવીરને લોકો ખૂબ જ પસંદ કરી રહ્યા છે.
સોશિયલ મીડિયા પર આ તસવીર પર મોટી સંખ્યામાં લાઈક્સ અને કમેન્ટ્સ મળી રહી છે. સોશિયલ મીડિયા પર શેર કરેલી તસવીરમાં અનુષ્કા શર્મા અને વિરાટ કોહલી રોમેન્ટિક અંદાજમાં જોવા મળી રહ્યા છે. આ તસવીરમાં દુબઈના સનસેટ પણ કેપ્ટર કરી લેવામાં આવ્યો છે.
વિરાટ કોહલીએ પોતાની પત્ની સાથેની પોતાની તસવીર ઈન્સ્ટાગ્રામ એકાઉન્ટ પર શેર કરી છે. જેને અત્યાર સુધીમાં 45 લાખથી વધુ લાઈક્સ મળી ચૂક્યા છે. આ સાથે જ ફેન્સ તેમની તસવીર પર કમેન્ટ્સ કરતા નથી થાકી રહ્યા. તેમની આ તસવીર રોયલ ચેલેન્જર બેંગલોરના જ એક ખેલાડી એબી ડિ વિલિયર્સે ખેંચી હતી. આ વાતનો ખુલાસો વિરાટ કોહલીએ પોતાની તસવીરના કેપ્શનમાં લખ્યું છે.