દાહોદમાં આજે વધુ 05 કોરોના પોઝીટીવ દર્દીના સમાવેશ સાથે દાહોદ જિલ્લામાં કોરોનાનો કુલ આંકડો 1635 ને પાર થવા પામ્યો છે અને એક્ટીવ કેસની સંખ્યા 71 ઉપર પહોંચી છે.
દાહોદમાં આજે આરટીપીસીઆરના 233 પૈકી 2 અને રેપીટ ટેસ્ટના 511 પૈકી 3 એમ કુલ મળી આજે 05 કોરોના પોઝીટીવ દર્દીનો સમાવેશ થયો હતો. આ પાંચ પૈકી દાહોદમાંથી 3 અને ઝાલોદમાં થી 2 દર્દીઓનો સમાવેશ થાય છે આ સાથે કુલ આંકડો 1635 ને પાર થયો છે. આજે વધુ 10 દર્દીઓને હોસ્પિટલમાંથી રજા અપાતા એક્ટીવ કેસની સંખ્યા 71 રહેવા પામી છે ત્યારે બીજી તરફ અત્યાર સુધી કોરોનાથી ૭૧ લોકોએ પોતાનો જીવ ગુમાવ્યો છે. આમ, દાહોદ જિલ્લામાં કોરોનાનો આંકડો ઉતાર ચઢાવ સાથે આગળ વધી રહ્યો છે.