દાહોદ, તારીખ 12 6 2023ના રોજ રાત્રિના 1:30 વાગ્યાના સમયે પોલીસ પેટ્રોલિંગ કરી રહેતી તે દરમિયાન વરમખેડા ગામ નજીક જતા તેમને બાતમી મળી હતી કે વરમખેડા ગામના પટેલ ફળિયામાં રહેતો કમલેશ ધારૂ પરમાર તેના પોતાના રહેણાક મકાનમાં ભારતીય બનાવટનો વિદેશી દારૂ રાખી અને તેનું છૂટકમાં વેચાણ કરી રહ્યો છે. તેવી બાતમીના આધારે રૂલર પોલીસે વરમખેડા ગામના પટેલ ફળિયામાં પહોંચી રેડ કરતા પોલીસને દેખી વિદેશી દારૂ વહેંચતો ઇસમ કમલેશ ધારૂ પરમાર ભાગી ગયો હતો અને પોલીસે તેના ઘરમાં સંતાડી રાખેલી વિદેશી દારૂની 157 નંગ બોટલો ઝડપી પાડી હતી જેની કિંમત 28,895 રૂપિયાનો વિદેશી દારૂ પોલીસે કબજે કરી અને વિદેશી દારૂ વેચનાર ફરાર કમલેશ ધારૂ પરમાર સામે પ્રોહિબિશન અંગેનો ગુનો નોંધી આગળની વધુ તપાસ હાથ ધરી હતી.