દાહોદ, દાહોદ શહેરના કસ્બા વિસ્તારમાં વરલી મટકાનો આંક ફરકનો જુગાર રમાડતા એક ઈસમને દાહોદ એલ.સી.બી. પોલીસે રૂા.11,220ની રોકડ રકમ સાથે ઝડપી પાડી જેલ ભેગો કર્યાનું જાણવા મળે છે.
દાહોદ એલ.સી.બી. પોલીસને મળેલ બાતમીના આધારે ગતરોજ દાહોદ શહેરના કસ્બા વિસ્તારમાં કમેલા પાસે ફઈમ ગફાર કુરેશી (રહે.જુના વણકરવાસ, દાહોદ, તા.જિ.દાહોદ)નો વરલી મટકાનો આંક ફરકનો જુગાર રમતો હોવાની બાતમીમાં પોલીસને મળતા પોલીસે ઓચિંતો છાપો મારી ઉપરોક્ત ઈસમને ઝડપી પાડ્યો હતો અને તેની પાસેથી જુગારના સાધનો તેમજ રોકડા રૂપીયા 11,200ની રોકડ કબજે કરી આ સંબંધે દાહોદ એલ.સી.બી. પોલીસે દાહોદ શહેર પોલીસ મથકે ફરિયાદ નોંધાંવતાં પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.