દાહોદ,દાહોદ જીલ્લાના દેવગઢ બારીઆ તાલુકાના સાગટાળા પોલીસ સ્ટેશનના પ્રોહીબીશનના 03, છોટાઉદેપુર, હાલોલ પોલીસ સ્ટેશનના પ્રોહીબીશનના 02 તથા ઝોઝ પોલીસ સ્ટેશન વિસ્તારના રાયોટીંગના 01 મળી કુલ 06 ગુન્હાઓમાં છેલ્લા દોઢ વર્ષથી નાસતો ફરતો વોન્ડેટ આરોપીને દેવગઢ બારીઆના સાગટાળા વિસ્તાર માંથી પેરોલ ફ્લો સ્કોર્ડ, દાહોદની ટીમે ઝડપી પાડી જેલના સળીયા પાછળ ધકેલી દીધાંનું જાણવા મળે છે.
દાહોદ જીલ્લામાં નાસતા ફરતા આરોપીને ઝડપી પાડવા, પ્રોહીબીશનની પ્રવૃતિઓને અટકાવવા, જુગારની પ્રવૃતિઓને અટકાવવા તેમજ અસામાજીક તત્વોને ઝડપી પાડવા માટે દાહોદ જીલ્લા પોલીસની સુચના અને માર્ગદર્શન હેઠળ દાહોદ જીલ્લાની તમામ પોલીસ કામગીરી કરી રહી છે. ત્યારે પેરોલ ફ્લો સ્કોર્ડ, દાહોદને મળેલ બાતમીના આધારે દેવગઢ બારીઆ તાલુકાના સાગટાળા પોલીસ સ્ટેશનના પ્રોહીબીશનના 03, છોટાઉદેપુર, હાલોલ પોલીસ સ્ટેશનના પ્રોહીબીશનના 02 તથા ઝોઝ પોલીસ સ્ટેશન વિસ્તારના રાયોટીંગના 01 મળી કુલ 06 ગુન્હાઓમાં છેલ્લા દોઢ વર્ષથી નાસતો ફરતો વોન્ડેટ આરોપીને ખીભાભાઈ ભલજીભાઈ રાઠવા (રહે. મીઠીબોર, તા.જી. છોટાઉદેપુર)ને દેવગઢ બારીઆના સાગટાળા વિસ્તારમાંથી ઝડપી પાડી આ સંબંધે પેરોલ ફ્લો સ્કોર્ડ, દાહોદ દ્વારા ગુનો નોંધી આગળની કાયદેસરની કાર્યવાહી હાથ ધરી છે.