દાહોદ,
જિલ્લામાં વિધાનસભાની સામાન્ય ચૂંટણીઓ સંદર્ભે દાહોદની નવજીવન કોલેજ ખાતેના સભાગૃહમાં માઇક્રો ઓબ્ઝેર્વસઓનો એક દિવસીય તાલીમ કાર્યક્રમ જનરલ ઓબ્ઝર્વસ રીષિરેન્દ્રકુમાર, સચીન્દ્ર પ્રતાપસિંહ, સુનીલ શર્માની ઉપસ્થિતિમાં યોજાયો હતો. વિધાનસભાની સામાન્ય ચૂંટણીઓમાં માઇક્રો ઓબ્ઝર્વસએ નિભાવવાની ફરજ તેમજ ઇવીએમ, વીવીપેટ બાબતે વિસ્તૃત સમજ અપાઇ હતી. તાલીમ કાર્યક્રમમાં સહભાગી થયેલા 384 જેટલા માઈક્રો ઓબ્ઝર્વસઓને ચૂંટણી પંચની તમામ ગાઇડલાઇનનું ચુસ્ત પાલન થાય એ માટે જનરલ ઓબ્ઝર્વસઓએ જણાવ્યું હતું અને ચૂંટણી પ્રક્રિયામાં માઇક્રો ઓબ્ઝર્વસની ભૂમિકા વિશે સમજ આપી હતી. આ વેળા પુરવઠા અધિકારી વસાવા, પ્રાંત અધિકારી ઝાલોદ સહિતના ચૂંટણી સલગ્ન અધિકારીઓ, કર્મચારીઓ ઉપસ્થિત રહ્યાં હતા.