દાહોદ, દાહોદ જીલ્લાના ઝાલોદ તાલુકાના અનવરપુરા ગામે એક મોટરસાઈકલના ચાલકે અન્ય એક મોટરસાઈકલને ટક્કર મારતાં એકનું મોત નીપજ્યાંનું જાણવા મળે છે.
ગત તા.31મી ઓગષ્ટના રોજ રાજસ્થાનના બાંસવાડા જીલ્લાના ગાંગડતળાઈ તાલુકામાં ખુટાગલીયા ગામે રહેતાં ચિમનભાઈ ધોલીયાભાઈ રાણા પોતાના કબજાની મોટરસાઈકલ લઈ ઝાલોદ તાલુકાના અનવરપુરા ગામના હાઈવે રોડ પરથી પસાર થઈ રહ્યાં હતા. તે સમયે સામેથી એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી ચિમનભાઈની મોટરસાઈકલને જોશભેર ટક્કર મારતાં ચિમનભાઈ મોટરસાઈકલ પરથી ફંગોળાઈ જમીન પર પટકાયા હતા. જેને પગલે ચિમનભાઈ શરીરે હાથે પગલે તેમજ માથાના ભાગે ગંભીર જીવલેણ ઈજાઓ થતાં તેઓનું મોત નીપજ્યું હતું.
આ સંબંધે રાજસ્થાનના ખુટાગલીયા ગામે રહેતાં લાલસીંગભાઈ ધોલીયાભાઈ રાણાએ ઝાલોદ પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.