દાહોદ, દાહોદમાં ત્રિવેણી એપાર્ટમેન્ટ પાસે સંગમ પાર્ક સોસાયટીમાં રાત્રીના સમયે ત્રાટકેલ ચોર ટોળકી મહીન્દ્રા કંપનીની મેક્સ પીકપ ગાડી તતા કિલોસ્કરનું જનરેટર મળી કુલ રૂા.3.60 લાખની મત્તા ચોરીને લઈ ગયાનું જાણવા મળ્યું છે.
કઠલા ગામના ગામતળ ફળિયાના મુળ રહેવાસી અને હાલ ત્રિવેણી એપાર્ટમેન્ટ, પાસે સલંગન પાર્ક સોસાયટીમાં રહેતા નિલેશકુમાર છત્રસિંહ બામણીયાની તેમના ઘરના આંગણામાં મૂકેલ વર્ષ 2006ના મોડલની જીજે-20 ટી-4866 નંબરની મહિન્દ્રા કંપનીની મેક્સ પીકપ ગાડી તથા રૂા. 2 લાખની કિંમતનું કિર્લોસ્કર આઈગ્રીન ડીજી સેર કંપનીનું જનરેટર મળી કુલ રૂા. 3,60,000ની મત્તા ચોરીને લઈ ગયા હતા.
આ સંબંધે ત્રિવેણી એપાર્ટમેન્ટ પાસે, સંગમ પાર્ક સોસાયટીમાં રહેતા નિલેશકુમાર છત્રસિંહ બામણે નોંધાવેલ ફરિયાદને આધારે બીડીવીઝન પોલીસે ચોરીનો ગુનો નોંધી આગળની કાર્યવાહી હાથ ધરી છે.