દાહોદ, દાહોદના મદનીનગર, માળીના ટેકરા પાસે સ્મશાન રોડ પર ત્રાટકેલી બાઈક ચોર ટોળકી એક ઘર આગળ લોક મારી પાર્ક કરેલ મોટર સાયકલ ચોરીને લઈ ગયાનું જાણવા મળ્યું છે.
ગત તા. 30-6-2023ના રોજ રાતના સમયે દાહોદ સ્મશાન રોડ પર માળીના ટેકરા પાસે આવેલ મદની નગરમાં બાઈક ચોર ટોળી ત્રાટકી હતી અને મદની નગરમાં રહેતા જુનેદભાઈ ફારૂખભાઈ જામની તેમના ઘરના આંગણામાં લોક મારી પાર્ક કરેલ વર્ષ 2023ના મોડલની રેડ એન્ડ બ્લેક કલરની જીજે-20-બીસી-7488 નંબરની યામાહા કંપનીની મોટર સાયકલ ચોરીને લઈ ગઈ હતી.
આ સંબંધે દાહોદ મદની નગર, માળીના ટેકરા પાસે રહેતા જુનેદભાઈ ફારૂખભાઈ જાબરે નોંધાવેલ ફરિયાદને આધારે દાહોદ ટાઉન એ-ડિવિઝન પોલીસે ચોરીનો ગુનો નોંધી આગળની કાર્યવાહી હાથ ધરી છે.