દાહોદ, દાહોદ શહેરના ગારખાયા વિસ્તારમાં પાના પત્તા વડે હારજીતના જુગારના અડ્ડા પર પોલીસે ઓચિંતો છાપો મારી 03 જુગારીઓને ઝડપી પાડી દાવ પરથી રોકડા રૂપીયા 10,000 ઝડપી પાડ્યાંનું જાણવા મળે છે.
ગત તા.05 ડિસેમ્બરના રોજ દાહોદ એ ડિવીઝન પોલીસને મળેલ બાતમીના આધારે દાહોદ શહેરના ગારખાયા વિસ્તારમાં પાના પત્તા વડે રમાતા જુગારના અડ્ડા પર ઓચિંતો છાપો મારી જુગાર રમી રહેલા દિનેશભાઈ મેહજીભાઈ ડાંગી, બાબુભાઈ મનસુખભાઈ બબેરીયા (બંન્ને રહે.ગારખાયા, દાહોદ, તા.જી.દાહોદ) અને સંજયભાઈ કાળુભાઈ મિનામા (રહે. રાણાપુર, રાજપુર ફળિયા, તા.જી.દાહોદ) નાને ઝડપી પાડી પોલીસે દાવ પરથી રોકડા રૂપીયા 10,000 રોકડા કબજે કરી પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.