દાહોદ,
દાહોદના ગલાલીયાવાડ તળાઈ ફળિયામાંથી 7,500 રૂપિયાના વિદેશી દારૂ સાથે એક ઈસમને રૂલર પોલીસે ઝડપી ગુનો દાખલ કર્યો હતો.
દાહોદ રૂલર પોલીસ તારીખ 5-11-2022 ના રોજ બપોરના 03:00 વાગ્યાના સમયગાળા દરમિયાન દાહોદના ગ્લાલિયાવાડ વિસ્તાર ખાતે પેટ્રોલિંગ કરી રહેતી તેવા સમયે તેમને બાતમી મળી હતી. ગલાલીયાવાડ સારસા તળાઈ ફળિયામાં રહેતો નિરમા ભાવસિંગ બિલવાલ તેના ઘરે ભારતીય બનાવટનો વિદેશી દારૂનું છૂટક વેચાણ કરે છે. તેવી બાતમી આધારે પોલીસે ગ્લાલિયાવાડ સારસા તળાઈ ફળિયામાં તેના રહેણાંક મકાનમાં રેડ કરતા દાહોદ પોલીસને તે ઘરમાં સંતાડી રાખેલું ભારતીય બનાવટના વિદેશી દારૂની બોટલો નંગ 31 જેટલી થેલામાં ભરેલી મળી આવી હતી. જેની કિંમત 7,500 રૂપિયાના વિદેશી દારૂ સાથે છૂટક દારૂનું વેચાણ કરતાં નીરમા સુનિલ બિલવાલની અટકાયત કરી તેની સામે પ્રોહી એક્ટ મુજબનો ગુનો દાખલ કરી આગળની વધુ તપાસ હાથ ધરી છે.