દાહોદ જિલ્લા માં ફરીથી શિક્ષણ જગતને શરમાવે તેવો કિસ્સો ધાનપુર માં બન્યો એક આશ્રમશાળામાં એક ૧૬ વર્ષીય વિદ્યાર્થીનીને આશ્રમશાળાના શિક્ષક દ્વારા બદ ઇરાદે પકડી લેતા વિદ્યાર્થીનીએ બૂમાબૂમ કરતા શાળામાં ભણતી અન્ય તેની નાની બહેન આવી જતા લપટ શિક્ષકે તેને છોડી મૂકી બનાવની જાણ વિદ્યાર્થીનીના પરિવારને થતા પરિવારજનો ઘટના સ્થળે દોડી આવી શિક્ષક સામે ફરિયાદ નોંધાવતા પોલીસે લપટ શિક્ષકને ઝડપી પાડી કાર્યવાહી હાથ ધરી
- દાહોદ જિલ્લામાં ફરીથી એક શિક્ષક ને વાસનાનો કીડો સળવળિયો હોય તેમ
- શિક્ષણ જગતને શરમાવે તેવો બનાવ ફરી દાહોદ જિલ્લામાં બન્યો
- ગુરુ દ્વારા જ આશ્રમમાં ભણતી વિદ્યાર્થીને બદ કામ કરવાના ઇરાદે પકડી લેતા ગુરુ સામે ફરિયાદ નોંધાય
પ્રાપ્ત માહિતી મુજબ દાહોદ જિલ્લામાં થોડા સમય પહેલા જ એક આધેડ વયના શિક્ષકે છ વર્ષીય બાળકીને અડપલાં કરી મોતને ઘાટ ઉતારવાના બનાવ ની શાહી હજુ સુકાઈ નથી ત્યાં તો ફરી શિક્ષણ જગત ને શરમાવે તેઓ એક કિસ્સો સામે આવતા દાહોદ જિલ્લા શિક્ષણ જગતમાં જાણે ખળ ભળાટ મચી જવા પામ્યો હોય તેમ જોવાઈ રહ્યું હોય તેમ ધાનપુર તાલુકા મા આવેલ એક આશ્રમશાળા ના શિક્ષકે પોતાની રસોઈ બનાવવા માટે શાળામાં ધોરણ નવ માં અભ્યાસ કરતી એક વિદ્યાર્થીની ને અન્ય વિદ્યાર્થીને કહી બોલાવી હતી જે 16 વર્ષીય વિદ્યાર્થીની આશ્રમ શાળાના શિક્ષક માટે તેના રૂમમાં તેની સાથે ભણતી તેની કાકાની છોકરી સાથે રોટલા બનાવતી હતી તે વખતે આ આશ્રમ શાળા નો શિક્ષક રૂમની બહાર બેઠો બેઠો પેપર તપાસતો હતો તે વખતે આ જમવા બનાવવા આવેલ વિદ્યાર્થીની તેની સાથે આવેલ તેની અન્ય બહેન કોઈ કામ અર્થે રૂમની બહાર ગયેલ તે વખતે આ શિક્ષકે તે રૂમમાં જઈ રૂમનો દરવાજો અંદર થી બંધ કરી દીધેલ અને આ અભ્યાસ કરતી વિદ્યાર્થીને કહેવા લાગેલ કે મારી સાથે સંબંધ બાંધીશ કે કેમ તેમ કહેતા જ તે વિદ્યાર્થીનીએ ના કહેલ અને તે બાદ શિક્ષક રૂમમાં પાણી પી ને દરવાજો ખોલી રૂમની બહાર નીકળી લોબીમાં ચક્કર મારી આ શિક્ષક ફરીથી પાછો રૂમમાં આવેલ અને આ શિક્ષકનું જમવાનું બનાવતી વિદ્યાર્થીની ઉપર તેની દાનત બગડતા તેને બદ ઇરાદે અચાનક આ વિદ્યાર્થીનીને પાછળથી આવીને પકડી લેતા આ વિદ્યાર્થીનીએ આમ કરવા ના કહેવા છતાં પણ આ લપટ શિક્ષકે આ વિદ્યાર્થીને બળજબરીથી પકડી રાખતા વિદ્યાર્થીનીએ શિક્ષક થી બચવા માટે બૂમાબૂમ કરતા તેની અન્ય બહેન જે રૂમની બહાર ગઈ હતી તે આવી જતા શિક્ષકે વિદ્યાર્થીની ને છોડી દીધેલ અને તે પછી તે વિદ્યાર્થીની અને તેની બહેન બંને રૂમમાંથી બહાર નીકળી ભાગી ગયેલ અને ત્યાંથી બંને બહેનો પ્રાર્થના રૂમમાં દોડી ગયેલ જે વખતે આ ભોગ બનનાર વિદ્યાર્થીની રડવા લાગતા તેની સાથે આજ આશ્રમશાળામાં અન્ય તેના ભાઈ બહેન પણ ભણતા હોવાથી તેઓ દોડી આવેલ અને તેને રડવા અંગે પૂછતા તેને સાચી હકીકત જણાવતા તેની સાથે ભણતા તેના ભાઈએ આ બનાવની જાણ ફોન દ્વારા તેના ઘરે તેના કાકા ને કરતા જ આ વિદ્યાર્થીની નો પરિવાર જનો આશ્રમ શાળા ખાતે દોડી આવેલ અને આ વિદ્યાર્થીની બનાવ અંગે પૂછતા તેને તેની સાથે બનેલી ઘટના તેના પરિવારજનોને જણાવતા આશ્રમ શાળા ના શિક્ષકે વિદ્યાર્થીને બદકામ કરવા માટે બદ ઇરાદે આ વિદ્યાર્થીને બોલાવી હોવાથી આ બનાવ અંગેની જાણ ધાનપુર પોલીસ મથકે કરતા ધાનપુર પોલીસે આ બનાવને લઈ છેડતી તેમજ એક્રોસિટી એક્ટ મુજબનો ગુન્હો નોંધી લપટ શિક્ષકને ઝડપી પાડી જેલના સળિયા પાછળ ધકેલી વધુ તપાસ હાથ ધરી છે ત્યારે આ બનાવ ની જાણ સમગ્ર પંથકમાં થતા શિક્ષણ આલમ માં ખળભળાટ મચી જવા પામ્યો છે ત્યારે આ લપટ શિક્ષક ઉપર લોકો ફિટકાર વરસાવી રહ્યા હોય તેમ જોવાઈ રહ્યું છે