દાહોદ,દાહોદ એલસીબી પોલીસે દાહોદ તાલુકાના મોટી ખરજ ગામે પટેલ ફળિયામાં રહેતી એક મહિલા બુટલેગરના ઘરમાંથી તથા ઘરની બહાર બે મોટર સાયકલ ઉફર મળી કુલ રૂપિયા 78,000/-ની કુલ કિંમતની વિદેશી દારૂની 25 પેટીઓ ઝડપી પાડી એક મોટર સાયકલ સાથે કબજે લઈ મહિલા બુટલેગરની અટક કર્યાનું જાણવા મળ્યું છે.
પ્રાપ્ત વિગત અનુસાર પ્રોહી અંગેની મળેલ બાતમીના આધારે દાહોદ એલસીબી પોલીસે મોટી ખરજ ગામે પટેલ ફવિયામાં રહેતી મહિલા બુટલેગર શારદાબેન દેવાભાઈ હુમલાભાઈ ખપેડના રહેણાંક મકાન પર ઓચિંતો છાપો માર્યો હતો. તે વખતે બે મોટર સાયકલો પૈકી એક મોટર સાયકલ ચાલક પોતાની મોટીર સાયકલ પર લાદેલ દારૂના જથ્થા સાથે મોટર સાયકલ લઈ નાસી ગયો હતો. જ્યારે અન્ટ એક મોટર સાયકલ સ્થળ પર છોડી નાસી ગયો હતો પોલીસે સ્થળ પરથી એક મોટર સાયકલની સાથે સાથે તથા મહિલા બુટલેગર શારદાબેન દેવાભાઈ હુમલાભાઈ ખપેડના ઘરમાંથી મળી કુલ રૂપિયા 78,000/-ની કુલ કિંમતના વિદેશી દારૂની 25 જેટલી પેટીઓમાં ભરેલ કુલ બોટલ નંગ-600 પકડી પાડી કબજે લઈ દાહોદ તાલુકા પોલીસ સ્ટેશને ફરિયાદ નોંધાવતા તાલુકા પોલીસે આ સંદર્ભે મોટી ખરજ ગામની શારદાબેન દેવાભાઈ હુમલાભાઈ ખપેડ, રાહુલભાઈ રતનાભાઈ પલાસ, અલ્પેશભાઈ દેવાભાઈ ખપેડ, મધ્યપ્રદેશના પિટોલના નરેશભાઈ હુમાભાઈ મછાર તથા અન્ય એક મોટર સાયકલ ચાલક મળી કુલ છ જણા વિરૂધ્ધ પ્રોહીનો ગુનો નોંધી આગળની કાર્યવાહી હાથ ધરી છે.