દાહોદ,
દાહોદ શહેરના કસ્બા વિસ્તારમાં જાહેરમાં વરલી-મટકાનો આંક ફરકનો જુગાર રમાડતા એક ઈસમને પોલીસે ઝડપી પાડી તેની અંગ ઝડતીમાંથી રોકડા રૂપીયા 10,600ની રોકડ રકમ સાથે ઝડપી પાડ્યાંનું જાણવા મળે છે.
ગત તા.14મી સપ્ટેમ્બરના રોજ દાહોદ જીલ્લા ટ્રાફિક શાખામાં ફરજ બજાવતાં સુરેશભાઈ હકલાભાઈને મળેલ બાતમીના આધારે દાહોદના કસ્બા વિસ્તાર ખાતે વોચમાં હતા. તે સમયે ત્યાં અમજલખાન ઉર્ફે અલી લતીફખાન પઠાણ (રહે. મદમદી, એપાર્ટમેન્ટ, કસ્બા નુર મસ્જીદ પાછળ, પીંજારવાડ, દાહોદ, તા.જી.દાહોદ)નો જાહેરમાં ખુલ્લી જગ્યામાં વરલી-મટકાનો આંક ફરકનો જુગાર રમાડતો હતો ત્યારે ઉપરોક્ત ટ્રાફિક પોલીસે આ અંગેની જાણ દાહોદ એ ડિવીઝન પોલીસ મથકને જાણ કરતાં પોલીસ સ્થળ પર પહોંચી ગઈ હતી અને ઉપરોક્ત ઈસમને જુગારના સાધનો સાથે ઝડપી પાડી તેની અંગ ઝડતીમાંથી રોકડા રૂપીયા 10,600ની રકમ કબજે કરી આ સંબંધે દાહોદ એ ડિવીઝન પોલીસે જુગાર ધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.