દાહોદ, લોકસભા સામાન્ય ચૂંટણીના આ મહાપર્વમાં પોતાની ભાગીદારી નિભાવતા વૃદ્ધોએ પણ ઘણો ઉત્સાહ બતાવ્યો છે. દાહોદમાં 94 વયના ઉંમરના ચંદન બાબુ જૈન મતદાન કરવા માટે મતદાન કેન્દ્ર પહોંચ્યા હતા. ચાલવા માટે પણ અક્ષમ એવા ચંદન બાબુએ પોતાના પરિવારના ભવિષ્ય નિર્માણ માટે મતદાન મથકે જઈને મતદાન આપવાની ઈચ્છા દર્શાવી હતી. તેઓએ મતદાન મથકે વ્હીલચેરની મદદ થકી પોતાનો અમૂલ્ય મત આપી આ રાષ્ટ્રીય પર્વમાં પોતાનો ફાળો નોંધાવ્યો હતો.