ગરબાડા,ગરબાડા તાલુકાના ગુલબારના ભરતભાઈ બાબુભાઈ પોતાની મોટરસાયકલ લઈને કામ અર્થે નીકળ્યા હતા. રસ્તામાં જાંબુવઆ ગામે સામેથી આવતી મોટરસાયકલ એ ગફલત રીતે હંકારી ધડાકાભેર ભરતભાઈની મોટરસાયકલ સાથે અથડાતા ભરતભાઈ રોડ ઉપર પડી ગયા હતા. રોડ પર પડતાં જ ભરતભાઈને માથાના ભાગે ગંભીર ઇજાઓ થઈ હતી ગંભીર ઇજાના કારણે માથામાંથી લોહી વહી જતા આજુબાજુના સ્થાનિક લોકો અને પરિવારના લોકો 108 મારફતે ભરતભાઈને ગરબાડાના ખાનગી હોસ્પિટલ ખાતે સારવાર માટે લાવ્યા હતા. જ્યાં સારવાર દરમિયાન ભરતભાઈનું મોત નીપજ્યું હતું. જેમાં પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો અને પરિવારજનો દ્વારા અકસ્માત કરનાર મોટરસાયકલના ચાલક વિરૂદ્ધ ગરબાડા પોલીસ મથકે ફરિયાદ નોંધાવી હતી. પોલીસે અકસ્માતનો ગુનો નોંધી વધુ કાર્યવાહી હાથ ધરી છે.