- બોર ગામના પટેલ ફળિયા ખાતે મુકેશભાઈ રસુલભાઈ સગાડની ભેંસ ઉપર વીજળી પડતા ભેંસનું મોત.
દાહોદ,
દાહોદ જિલ્લામાં સાયકલોનિક સક્યુલેશનની અસરના કારણે વાતાવરણમાં પલટો આવતા દાહોદ શહેર ઉપરાંત આસપાસના વિવિધ તાલુકા મથકો ઉપર ગાજવીજ સાથે વરસાદ શરૂ થયો હતો. જેમાં વરસાદી માહોલ વચ્ચે ધાનપુર તાલુકાના બોર ગામ ખાતે પટેલ ફળિયાના મુકેશભાઈ રસુલભાઈ સગાડની ઘરની બહાર બાધેલી ભેંસ ઉપર એકા એક આકાશીય વીજળી પડતાં ભેંસનું મોત થયું હતું ઘટનાની જાણ તંત્રને થતા તંત્ર પણ ઘટના સ્થળે દોડી આવ્યું હતું અને ભેંસનું પંચકયાસ કરીને વધુ તપાસ હાથ ધરી હતી. જેમાં તલાટી દ્વારા રાજ્ય સરકાર દ્વારા મળતી તમામ સહાય વિશે લોકોને જાણકારી આપીને જાગૃત કર્યા હતા.