જીલ્લા માહિતી કચેરી ખાતે ફરજ બજાવતા નાયબ માહિતી નિયામક સુરેન્દ્રભાઈ બળેવીયા જુનાગઢ કચેરી ખાતે બદલી થતાં વિદાય સમારોહ અને વડોદરા ખાતે ફરજ બજાવતા આર.એ.જેઠવા દાહોદ ખાતે નાયબ માહિતી નિયામક નો ચાર્જ સંભાળતા સત્કાર સમારંભ યોજાયો હતો.
આ વિદાય સમારોહમાં નાયબ માહિતી નિયામક સુરેન્દ્રભાઈ બળેવીયા દાહોદ ખાતે 3 વર્ષ થી વધુ દરમિયાન તેમણે કરેલી કામગીરીના સંસ્મરણો વાગોળ્યા હતા. આ વેળાએ અધિક્ષક મફતભાઈ ભોઈ, માહિતી મદદનીશ કાકુલ ઢાકીયા, જુનિયર કલાર્ક ડીનાબેન પરમાર તેમજ જુઝરે સુરેન્દ્રભાઈ બળેવીયા સાથેની યાદગાર પળોને યાદ કરી તેમની કાર્યશૈલીને બિરદાવી હતી. સુરેન્દ્રભાઈ બળેવીયાને શુભેચ્છા પાઠવવાની સાથે ભવિષ્યમાં તેઓ ઉત્તરોત્તર પ્રગતિ કરે તેવી શુભકામનાઓ પાઠવી હતી.
આ અવસરે કચેરીના અધિક્ષક મફત ભોઈ, માહિતી મદદનીશ કાકુલ ઢાકિયા, જુનીયર ક્લાર્ક ડી.એસ.પરમાર, જુઝર, રાકેશભાઈ, જયદેવભાઈ, કૈલાશબેન સહિત કચેરીના કર્મચારીઓએ સુરેન્દ્રભાઈ બળેવીયાને શાલ ઓઢાડી તથા ફળ આપી શુભેચ્છા પાઠવી હતી.