- ભૂતકાળમાં પણ વિવિધ કક્ષાએ આ બાબતની રજૂઆતો કરવામાં આવી હતી તેમ છતાં પરિણામ શૂન્ય.
- આદિવાસી બાબૂલ્ય ધરાવતા દાહોદ જીલ્લાની સૈનિક સ્કૂલની માંગણી યથાવત.
દાહોદ, સરકાર દ્વારા જ્યારથી બજેટમાં 600 જેટલીત સૈનિક શાળાની મંજૂરી મળેલી છે, ત્યારથી આદિવાસી બાહુંલ્ય ધરાવતાદાહોદ જીલ્લામાં સૈનિક શાળા ફાળવવા માટે ભૂતકાળમાં વિવિધ કક્ષાએ અનેકવાર રજૂઆતો કરવામાં આવી છે. દાહોદના સાંસદ દ્વારા પણ આ અંગે કેન્દ્રીય રક્ષા મંત્રીને પણ લેખિત રજૂઆત કરેલ છે, તે સિવાય દાહોદ જીલ્લા માજી સૈનિક સંગઠન દ્વારા પણ આ માટે માંગણી કરેલ છે. ત્યારે હાલમાં ગુજરાતના મહેસાણા જીલ્લામાં 72 કરોડના ખર્ચે 11 એકર જમીનમાં સૈનિક શાળાનું કાર્ય હાલમાં શરૂ થવા જઈ રહ્યું છે. ત્યારે દાહોદ જીલ્લાના લોકોની માંગણી સંતોષાય અને દાહોદ જીલ્લામાં પણ વહેલી તકે એક સૈનિક શાળાની ફાળવણી કરવામાં આવે તે માટે હાલમાં ગરબાડાના અનિલભાઈ સોની દ્વારા વડાપ્રધાન કેન્દ્રીય મંત્રી ગૃહ વિભાગ રક્ષા મંત્રાલય વિત્ત મંત્રાલય મુખ્યમંત્રી ગુજરાત રાજ્ય ગૃહમંત્રી ગુજરાત રાજ્ય સહિત દાહોદ સાંસદને આ બાબતે ઘટતી કાર્યવાહી કરવા માટે લેખિત રજૂઆત કરી છે.
દાહોદ જીલ્લામાં સૈનિક શાળાની માંગણીને લઈને ગરબાડાના અનિલભાઈ સોની તેમજ માજી સૈનિકોએ પ્રધાનમંત્રીને મળવા માટે આ બાબતે સમયની માંગણી પણ કરેલ છે.