દાહોદ-ગોધરા હાઈવે રોડ ઉપર પરવડી ચોકડી પાસે બાઈક ચાલક ગોધરા તરફ શાકભાજી લેવા માટે આવી રહ્યા હતા ત્યારે પરવડી ગોૈશાળાની બાજુમાં પીકઅપ ડાલાના ચાલકે પોતાનુ વાહન પુરઝડપે હંકારી લાવી બાઈકને અડફેટમાં લઈ બાઈક સવાર ચાલક અને મહિલાને ઈજાઓ પહોંચાડી ગુનો કર્યાની ફરિયાદ નોંધાવવા પામી છે.
પ્રાપ્ત માહિતી અનુસાર દાહોદ-ગોધરા હાઈવે રોડ ઉપર પરવડી ચોકડી પાસેથી સંજયભાઈ ભાવસિંહ અને જાનકીબેન સંજયભાઈ પોતાની બાઈક નં.જીજે-17-સીએફ-5717 લઈને ગોધરા શાકભાજી લેવા માટે આવી રહ્યા હતા. પરવડી ગોૈશાળાની બાજુમાં આવતા હતા ત્યારે પીકઅપ ડાલા નં.જીજે-13-એડબ્લ્યુ-2509ના ચાલકે પોતાનુ વાહન પુરઝડપે અને ગફલતભરી રીતે હંકારી લાવીને બાઈકને અડફેટમાં લઈ સંજયભાઈ અને જાનકીબેનને ઈજાઓ પહોંચાડી પીકઅપ સ્થળ ઉપર મુકી નાસી જઈ ગુનો કર્યાની ફરિયાદ ગોધરા તાલુકા પોલીસ મથકે નોંધાવવા પામી છે.