દાહોદ,દાહોદ એપીએમસી ખાતે શેઠ ગિરધરલાલ મેમોરિયલ હોલમાં વેપારી મિત્રો રક્તદાન કરે તે માટેનું મોટીવેશન કાર્યક્રમ ઇન્ડિયન રેડ ક્રોસ સોસાયટી દાહોદ જીલ્લા શાખા દ્વારા રાખવામાં આવ્યો હતો શ્રેયસભઇ શેઠ દ્વારા કાર્યક્રમની ભૂમિકા અને આવકાર પ્રવચન કરવામાં આવ્યું હતું. ત્યારબાદ સોસાયટીના ખજાનચી કમલેશભાઈ લીમ્બાચીયા દ્વારા રક્તદાન કરવાના ફાયદા અંગે મોટીવેશન સ્પીચ આપવામાં આવી. સહમંત્રી સાબીરભાઈ શેખ દ્વારા રેડક્રોસની ચાલતી અન્ય પ્રવૃત્તિ થી માહિતગાર કર્યા હતા. રેડક્રોસ ચેરમેન ગોપાલભાઈ ધાનાકા અને ઈકબાલભાઈ ખરોદાવાલા વેપારી મિત્રોને ખુબ મોટી સંખ્યામાં રક્તદાન કરી તેમજ અન્ય મિત્રોને રક્તદાન કરાવવા માટે અપીલ કરવામાં આવી હતી. આ આ પ્રસંગે વાઇસ ચેરમેન દિનેશભાઈ શાહ, કારોબારી સભ્ય ગટેેશભાઈ ક્ષોત્રિ,ય અમીરભાઈ કાપડિયા, સુરેશભાઈ રામચંદાની તેમજ ખૂબ મોટી સંખ્યામાં વેપારી મિત્રો ઉપસ્થિત રહ્યા હતા. વિશ્વ રક્તદાતા દિવસના ઉપ્લક્ષમાં 14/6/2024ના રોજ ગરબાડા સીએસસી ખાતે 15/6/2024 ના રોજ પુંસરી પ્રાથમિક શાળા અને 16/6/2024 નારોજ લીમડી પ્રકૃતિ મિત્ર મંડળ તેમજ સહયોગી સંસ્થા દ્વારા 18/6/2024 નારોજ એપીએમસી દાહોદ ખાતે રક્તદાન કેમ્પનું આયોજન કરવામાં આવ્યું છે.