દે.બારીઆમાં બાઈકના શો-રૂમની પાછળના ભાગે લાઈટના અજવાળામાં રમતા જુગાર પર પોલીસે ઓચિંતો છાપો મારી 7 જુગારીયાઓને ઝડપી પાડ્યા હતા. જયારે બે ફરાર થઈ ગયા હતા.
દે.બારીઆ પોલીસ મથકના પીએસઆઈ અને સ્ટાફના માણસો નાઈટ રાઉન્ડ પેટ્રોલિંગમાં હતા. દરમિયાન સ્ટેશન શેરીમાં બાઈકના શો-રૂમની પાછળ પીપળાના ઝાડ નીચે લાઈટના અજવાળે કેટલાક શખ્સો ભેગા મળી પાના-પત્તાનો જુગાર રમી રહ્યા છે તેવી બાતમીના આધારે રેઈડ કરતા જુગારીયાઓમાં નાસભાગ મચી જવા પામી હતી. જેમાં સ્ટેશન શેરીના હરેશ કિરીટ ડબગર, કિશોર કુમાર મંગળ ડબગર, કમલેશ બચુ લુહાર, દિનેશ બચુ લુહાર, દિલીપ મંગળ ડબગર, નકુલ દિલીપ કંદોઈ તથા લાલા પાર્કના નરેશ રૂપચંદ પારવાણી કોર્ડ કરી ઝડપી પાડ્યા હતા.
જયારે સ્ટેશન શેરીના સિદ્ધરાજ જયદિપ લુહાર અને કરણ જયદિપ લુહાર પોલીસને ચકમો આપી ફરાર થઈ ગયા હતા. આ જુગારીયાઓની અંગઝડતી અને દાવ ઉપર મુકેલ રૂ.33,890/-, બે મોબાઈલ મળી કુલ રૂ.53,890/-નો મુદ્દામાલ જપ્ત કરી 9 જુગારીયાઓ સામે ફરિયાદ નોંધાવવા પામી છે.