દાહોદ જીલ્લાના દેવગઢ બારીઆના પંચેલા ગામે એક ખેતરમાં અજગર જોવા મળતાં ગ્રામજનોમાં ફફડાટ ફેલાઈ જવા પામ્યો હતો. આ અંગેની જાણ પ્રકૃતિ મિત્ર મંડળ, દાહોદના સભ્યોને જાણ કરવામાં આવતાં પ્રકૃતિ મિત્ર મંડળ, દાહોદના સભ્યો સ્થળ પર પહોંચી ગયાં હતા. જ્યાં ભારે જહેમત બાદ અજગરનું રેશ્ક્યુ કરવામાં આવ્યું હતું. આ અજગર 12 ફુટ લંબો અને 20 કિલોગ્રામ જેટલા વજનનો હતો. અજગરનું રેશ્ક્યુ કરી અજગરને સ્થાનીક વન વિભાગને સોંપવામાં આવ્યો હતો. વન વિભાગના કર્મચારીઓએ અજગરને હેમખેમ રીતે જંગલમાં છોડી મુકવામાં આવ્યો હતો. અજગરનું રેશ્ક્યું થતાં ગ્રામજનોએ રાહતનો શ્વાસ લીધો હતો.