દાહોદ,
દે.બારીઆ તાલુકાના ડાંગરીયા ગામે પેસેન્જર ભરેલા છકડાને ટ્રકે અડફેટમાં લેતા ચાલક સહિત ત્રણ લોકો ધાયલ થયા હતા.
પીપલોદ બારીયા રોડ પર ટેકરા ફળિયાના ફીરોજભાઈ ધાંચી છકડામાં પીપલોદથથી પેસેન્જર બેસાડી બારીયા તરફ આવતો હતો તે દરમિયાન ડાંગરીયા ગામે ટ્રકના ચાલકે પુરઝડપે હંકારી લાવી છકડાને ટકકર મારી અકસ્માત કરી ટ્રક મુકી નાસી ગયો હતો. જેમાં ફિરોજભાઈ તથા પેસેન્જર ફંગોળાયા હતા. તેમાં ફિરોજભાઈને કમ્મરના ભાગે ઈજાઓ થવા પામી હતી. ત્યારે પેસેન્જર યામીન દહીકોટીયા તથા સુનીલ હરીજન છકડામાં ફસાઈ ગયા હતા. જેમાં યામીન દહીકોટીયા તથા સુનીલને માથામાં તથા શરીરે ઈજાઓ થવા પામી હતી. ઈજાગ્રસ્તોને બારીયા સરકારી દવાખાને સારવાર માટે દાખલ કર્યા હતા. આ સંદર્ભે અકસ્માત કરી ટ્રક મુકી નાસી ગયેલા ચાલક વિરુદ્ધ દે.બારીયા પોલીસમાં ફરિયાદ નોંધાવવા પામી હતી.