દાહોદ,દાહોદ જીલ્લાના દેવગઢ બારીઆ તાલુકાના ગામડી ગામે પોલીસને મળેલ બાતમીના આધારે એક રહેણાંક મકાનોમાં ઓચિંતી પ્રોહી રેડ પાડતાં પોલીસે રૂા. 74,976ના વિદેશી દારૂના જથ્થા સાથે પિતા-પુત્રની અટકાયત કરી હોવાનું જાણવા મળે છે.
ગત તા.08મી મેના રોજ દેવગઢ બારીઆ પોલીસને મળેલ બાતમીના આધારે ગામડી ગામે ચોપડા ફળિયામાં રહેતાં નરેશભાઈ ચીમનભાઈ પટેલ તથા ચીમનભાઈ માધુભાઈ પટેલના રહેણાંક મકાનમાં ઓચિંતી પ્રોહી રેડ પાડતાં પોલીસે ઉપરોક્ત બંન્ને પિતા-પુત્રની અટકાયત કરી મકાનની તલાસી લેતાં તેમાંથી વિદેશી દારૂની 648 બોટલો જેની કુલ કિંમત રૂા. 74,976નો પ્રોહી મુદ્દામાલ કબજે કરી દેવગઢ બારીઆ પોલીસે ઉપરોક્ત બંન્ને ઈસમો વિરૂધ્ધ પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.