મુંબઇ, મહારાષ્ટ્રમાં ભાજપના ધારાસભ્ય નિતેશ રાણેએ ઉદ્ધવ ઠાકરે પર મોટો આરોપ લગાવ્યો છે.મીડિયા સાથે વાત કરતા તેમણે કહ્યું છે કે ઉદ્ધવ ઠાકરેના કર્જત ફાર્મ હાઉસમાં પૈસાનો ગોદામ બનાવવામાં આવ્યો છે. તેની ઉંડાણપૂર્વક તપાસ થવી જોઈએ. આપને જણાવી દઈએ કે રિઝર્વ બેંક ઓફ ઈન્ડિયા દ્વારા ૨૦૦૦ રૂપિયાની નોટ ચલણમાંથી બહાર થયા બાદ ઉદ્ધવ ઠાકરે અને સંજય રાઉતે કેન્દ્ર સરકાર પર પ્રહાર કર્યા હતા. ત્યારબાદ ધારાસભ્ય નિતેશ રાણાએ પ્રતિક્રિયા આપી છે.
સંજય રાઉતે ફરી એકવાર નોટબંધી પર કહ્યું કે દેશની વ્યવસ્થા સરકારની ગુલામ બનીને કામ કરી રહી છે. આવી સ્થિતિમાં નીતીશ રાણેએ સંજય રાઉતના આ નિવેદન પર પલટવાર કરતા કહ્યું કે ભ્રષ્ટાચાર દ્વારા કમાયેલા પૈસા કર્જત ફાર્મ હાઉસમાં રાખવામાં આવ્યા છે. આ જ કારણ છે કે સંજય રાઉત આવું નિવેદન આપી રહ્યા છે. આવી સ્થિતિમાં કર્જત ફાર્મ હાઉસની સંપૂર્ણ તપાસ થવી જોઈએ અને જોવું જોઈએ કે ત્યાં કેટલા રૂપિયા છુપાયેલા છે.
ઉદ્ધવ ઠાકરે પર મોટો આરોપ લગાવતા ધારાસભ્ય નીતિશ રાણાએ કહ્યું કે BMC ચૂંટણીમાં ટિકિટ માટે ૨ કરોડ રૂપિયાની માગ કરવામાં આવી રહી છે. ઉદ્ધવ ક્યારેય પૈસા વગર કોઈને ટિકિટ આપતા નથી. આવી સ્થિતિમાં હવે આદિત્ય પણ એ જ દિશામાં ચાલતા જોવા મળી રહ્યા છે. તમને જણાવી દઈએ કે આરબીઆઈના આ નિર્ણય બાદ વિપક્ષના નેતા સતત ભાજપ પર પ્રહારો કરી રહ્યા છે.
૨૦૦૦ રૂપિયાની નોટ બંધ કરવાના નિર્ણય પર રાઉતે કહ્યું, દેશની અર્થવ્યવસ્થાના ઈતિહાસમાં આટલી મોટી ગડબડ ક્યારેય થઈ નથી. સામાન્ય નાગરિક પાસે ૨૦૦૦ની નોટ નથી. પહેલા નોટબંધી દરમિયાન લગભગ ૪૦૦૦ લોકો બેંકની લાઈનમાં ઉભા રહીને મૃત્યુ પામ્યા હતા. શિંદે સરકારનું નામ લીધા વિના તેના પર નિશાન સાધતા રાઉતે કહ્યું કે જેમને ૫૦-૫૦ ખોખા આપવામાં આવ્યા છે તેમની પાસે ૨૦૦૦ની નોટ છે અને આ તેમનું નુક્સાન છે.