લોક્સભા ચૂંટણીમાં ભાજપની સ્મૃતિ ઝુબિન ઈરાનીને જંગી માર્જિન થી હરાવીને કોંગ્રેસના કિશોરી લાલે નવો ઈતિહાસ રચ્યો છે. તેમણે ૧૯૮૧માં અમેઠીની લોક્સભા ચૂંટણી લડી હતી. રાજીવ ગાંધીનો એક રેકોર્ડ તૂટી ગયો છે. ત્યારબાદ રાજીવ ગાંધી નામાંકનના માત્ર ૩૯ દિવસ બાદ સાંસદ બન્યા હતા.
આ વખતે કોંગ્રેસના કિશોરી લાલ નામાંકન બાદ માત્ર ૩૨ દિવસમાં સાંસદ બની ગયા છે. અમેઠીમાં ૧૯૮૧માં પ્લેન ક્રેશમાં સંજય ગાંધીના મૃત્યુ બાદ પેટાચૂંટણી યોજાઈ હતી. ત્યારબાદ રાજીવ ગાંધી પહેલીવાર ચૂંટણી લડ્યા હતા.સામાજિક કાર્યકર અને કોંગ્રેસ નેતા અનુપમ પાંડે, તેમના પિતા જગદીશ પિયુષના પુસ્તક ગાંધી…ગાંધી…ગાંધી ટાંકીને જણાવે છે કે રાજીવ ગાંધીએ ૧૯૮૧ની પેટાચૂંટણીમાં નોમિનેશનના છેલ્લા દિવસે ૬ મેના રોજ સુલતાનપુરમાં ઉમેદવારી નોંધાવી હતી. ૧૪ જૂન ૧૯૮૧ના રોજ જાહેર થયેલા પરિણામોમાં રાજીવ ગાંધીએ જંગી માજનથી ચૂંટણી જીતી હતી. એટલે કે આ ચૂંટણી ૩૯ દિવસમાં જીતી હતી. આ વખતે કોંગ્રેસે કિશોરી લાલની ટિકિટ કન્ફર્મ કરી છે, જે ૩ મેના રોજ નામાંકનની છેલ્લી તારીખ હતી. તેમણે ૩ મેના રોજ ઉમેદવારી નોંધાવી હતી. તેઓ માત્ર ૩૨ દિવસમાં સાંસદ બન્યા હતા.
પંજાબના જલંધરના રહેવાસી કિશોરી લાલનો અમેઠી સાથે ઘણો જૂનો સંબંધ છે. તેમણે ૧૯૮૩માં પહેલીવાર અમેઠીના રાજકારણમાં પ્રવેશ કર્યો હતો. તે કહે છે, હું લાંબા સમયથી ગાંધી પરિવાર સાથે જોડાયેલો છું. રાજીવ ગાંધીના કહેવા પર તેઓ ૧૯૮૩માં પહેલીવાર અમેઠી આવ્યા હતા. ત્યારથી હું ગાંધી પરિવાર સાથે જોડાયેલો રહીને અમેઠીના લોકોની સેવા કરી રહ્યો છું.