અમદાવાદ,
કોંગ્રેસના દિગ્ગજ નેતા અને ધારાસભ્ય અર્જુન મોઢવાડિયાના પિતાનું ૯૬ વર્ષની વયે નિધન થયું છે. તેમના નિધનને લઈને પોરબંદર પંથકમાં ખાસ કરીને તેમના વતન મોઢવાડામાં શોકનો માહોલ છે. મોઢવાડામાં ઘેરા શોકની લાગણી ફેલાઈ છે. આજે બપોરે મોઢવાડાથી જ તેમની અંતિમયાત્રા નીકળી હતી જેમાં મોટી સંખ્યામાં નાગરિકો કોંગ્રેસના આગેવાનો હાજર રહ્યાં હતાં અર્જુન મોઢવાડિયાના પિતા દેવાભાઈનું ૯૬ વર્ષની વયે અવસાન થયું છે.
અર્જુન મોઢવાડિયાએ આ વખતની વિધાનસભાની ચૂંટણીમાં પોરબંદરથી ઝંપલાવ્યું હતું. તેમની સામે ભાજપના બાબુ બોખિરિયા ચૂંટણી લડતા હતાં. પરિણામના દિવસે અર્જુન મોઢવાડિયાની જીત થઈ હતી. આ પહેલા અર્જુન મોઢવાડિયા બે વખત પોરબંદરથી ચૂંટણી હારી ચૂક્યા છે. તેમજ તેઓ ૨૦૦૪થી ૨૦૦૭ સુધી ગુજરાત કોંગ્રેસમાં વિરોધ પક્ષના નેતા તરીકે પણ રહી ચૂક્યા છે.