જમ્મુ-કાશ્મીર વિધાનસભા ચૂંટણીનું રણશિંગુ વાગતાની સાથે જ કોંગ્રેસ રાજ્યમાં એક્ટિવ થઈ ગઈ છે. પાર્ટી સાથે જોડાયેલા સૂત્રોનું કહેવું છે કે ગાંધી પરિવાર ઈચ્છે છે કે પૂર્વ સીએમ ગુલામ નબી આઝાદ પાર્ટીમાં પાછા જોડાય. આ માટે સીનિયર નેતાઓને તેમની સાથે વાત કરવા કહેવામાં આવ્યું છે.
આઝાદે ઓગસ્ટ ૨૦૨૨માં કોંગ્રેસ છોડી દીધી હતી. સોનિયા ગાંધીને મોકલેલા રાજીનામા પત્રમાં તેમણે લખ્યું હતું કે રાહુલને ઉપાયક્ષ બનાવીને કોંગ્રેસ બરબાદ થઈ ગઈ છે.
કોંગ્રેસ જમ્મુ-કાશ્મીર વિધાનસભા ચૂંટણી માટે નેશનલ કોન્ફરન્સ અને પીડીપી સાથે ગઠબંધન કરવાનો પ્રયાસ કરી રહી છે. પાર્ટીએ કહ્યું- ગઠબંધન કરવાનો હેતુ ભાજપને હરાવવાનો છે. આ માટે સમાન વિચારધારા ધરાવતા પક્ષોએ સાથે આવવું પડશે. કોંગ્રેસના મહાસચિવ ગુલામ અહેમદ મીરે કહ્યું કે એનસી અને પીડીપી માટે રાજ્યનો મુદ્દો વ્યક્તિગત મુદ્દાઓથી ઉપર હોવો જોઈએ. ઈન્ડિયા એલાયન્સ રાષ્ટ્રીય સ્તરે રચાયું છે. જમ્મુ-કાશ્મીરમાં પણ ત્રણેય પક્ષોએ સાથે મળીને ચૂંટણી લડવાની જરૂર છે.
નેશનલ કોન્ફરન્સ અને પીડીપી જમ્મુ અને કાશ્મીરમાં ગુપકર ગઠબંધન હેઠળ સાથે આવ્યા હતા, પરંતુ બાદમાં બંને અલગ થઈ ગયા હતા. જમ્મુ-કાશ્મીરમાં પીડીપીએ ભાજપ સાથે ગઠબંધન કરીને સરકાર બનાવી હતી.
ભાજપ અને જમ્મુ-કાશ્મીર અપની પાર્ટી સાથે મળીને ચૂંટણી લડી શકે છે ચૂંટણીની જાહેરાત બાદ ભાજપ જમ્મુ-કાશ્મીરના પ્રાદેશિક પક્ષ અને સ્વતંત્ર નેતાઓને પણ સાથે લાવવાનો પ્રયાસ કરી રહી છે. ગૃહ પ્રધાન અમિત શાહ શનિવારે (૧૭ ઓગસ્ટ) દિલ્હીમાં જમ્મુ અને કાશ્મીર અપની પાર્ટીના ઉપાયક્ષ ચૌધરી ઝુલ્ફકાર અલીને મળ્યા હતા. એવી અટકળો છે કે ઝુલ્ફકર ભાજપમાં જોડાઈ શકે છે.
ઝુલ્ફકાર અલી વ્યવસાયે વકીલ છે. તેમણે ૨૦૦૮ અને ૨૦૧૪ની વિધાનસભા ચૂંટણી રાજૌરી જિલ્લાના દારહાલ વિધાનસભા મતવિસ્તારમાંથી પીડીપીની ટિકિટ પર ચૂંટણી લડી હતી. બંને વખત જીત્યા હતા. ૨૦૧૫ થી ૨૦૧૮ સુધી, તેઓ મહેબૂબા મુતીની આગેવાની હેઠળની પીડીપી ભાજપ ગઠબંધન સરકારમાં કેબિનેટ મંત્રી પણ હતા. પરંતુ ભાજપ ગઠબંધન સરકારમાંથી બહાર આવ્યા બાદ જૂન ૨૦૧૮માં આ ગઠબંધન સરકાર પડી ગઈ હતી.
જમ્મુ અને કાશ્મીર વિધાનસભા ચૂંટણીની તારીખ (૧૬ ઓગસ્ટ)ની જાહેરાતના દિવસે કોંગ્રેસે વિકાર રસૂલને પ્રદેશ અયક્ષ પદેથી હટાવી દીધા હતા. પાર્ટીએ નવા પ્રદેશ અયક્ષ તરીકે તારિક હામિદ કારાની નિમણૂક કરી. તેમજ કોંગ્રેસ અયક્ષ મલ્લિકાર્જુન ખડગેએ તારા ચંદ અને રમણ ભલ્લાને કાર્યકારી અયક્ષ બનાવ્યા છે.
ચૂંટણી પંચે ૧૬ ઓગસ્ટે જમ્મુ-કાશ્મીર વિધાનસભા ચૂંટણીની તારીખોની જાહેરાત કરી છે. રાજ્યમાં ત્રણ તબક્કામાં મતદાન થશે. અહીં કુલ ૯૦ વિધાનસભા બેઠકો છે. બહુમતીનો આંકડો ૪૬ છે. ચૂંટણી પંચના જણાવ્યા અનુસાર, જમ્મુ-કાશ્મીરમાં પ્રથમ તબક્કાની ચૂંટણી માટે ગેઝેટ નોટિફિકેશન ૨૦ ઓગસ્ટથી શરૂ થશે. પ્રથમ તબક્કા માટે નોમિનેશનની છેલ્લી તારીખ ૨૭ ઓગસ્ટ છે. સુપ્રીમ કોર્ટે જમ્મુ-કાશ્મીરમાં ૩૦ સપ્ટેમ્બર ૨૦૨૪ સુધીમાં ચૂંટણી કરાવવાનો આદેશ આપ્યો હતો. રાજ્યમાંથી કલમ ૩૭૦ હટાવ્યા બાદ આ પ્રથમ વિધાનસભા ચૂંટણી હશે. કેન્દ્ર સરકારે ૫ ઓગસ્ટ ૨૦૧૯ના રોજ કલમ ૩૭૦ હટાવી હતી. ત્યારથી એલજી મનોજ સિંહા પ્રશાસક છે. ચૂંટણી બાદ નવી સરકારનો કાર્યકાળ ૬ વર્ષની જગ્યાએ ૫ વર્ષનો રહેશે.