ગોધરા,
શ્રી સાર્વજનિક કોમર્સ કોલેજ ગોધરાના એનએસએસ વિભાગ દ્વારા વિશ્ર્વ માતૃભાષા દિવસની શાનદાર ઉજવણી કરવામાં આવી હતી. આ પ્રસંગે ભાષાનું મહત્વ સમજાવતા કોલેજના પ્રિન્સિપાલ ડોક્ટર અરૂણસિંહ સોલંકીએ વિવિધ ગુજરાતી રચનાઓ, પંક્તિઓ, કવિતા વગેરે દ્વારા ગુજરાતી ભાષાનું મહાત્મય સમજાવ્યું હતું અને ગુજરાતી હોવાનો ગૌરવ વ્યક્ત કર્યો હતો.
આ પ્રસંગે કોલેજના વિદ્યાર્થીઓ દ્વારા ગુજરાતીમાં અંતાક્ષરી સ્પર્ધા, ગરબા અને પોતાના પ્રિય ગુજરાતી નેતા વિશે બે બોલ….એવા કાર્યક્રમો રજૂ કરી સૌ કોઈને ખુશખુશાલ કરી દીધા હતા. સમગ્ર કાર્યક્રમનું સફળ સંચાલન કુમારી નિશી શાહ દ્વારા કરવામાં આવ્યું હતું.