મુસ્લિમ, યાદવ અને કુશવાહ જાતિના લોકો કામ નહીં કરે તેવું નિવેદન આપનારા ત્નડ્ઢેં સાંસદ દેવેશ ચંદ્ર ઠાકુરની મુશ્કેલીઓ વધી શકે છે. મુઝફરપુરની સીજેએમ કોર્ટમાં સીએમ નીતિશ કુમારના નજીકના સાંસદ વિરુદ્ધ ફરિયાદ દાખલ કરવામાં આવી છે. એટલું જ નહીં, કોર્ટે આ કેસમાં સુનાવણીની તારીખ પણ ૨ જુલાઈ નક્કી કરી છે. કેસની માહિતી એડવોકેટ હરિઓમ કુમાર દ્વારા આપવામાં આવી છે.
ફરિયાદી દિલીપ કુમાર કુશવાહાએ જણાવ્યું છે કે તાજેતરમાં જ સીતામઢી જિલ્લાના ડુમરા અને પરિહારના સાંસદ દેવેશ ચંદ્ર ઠાકુર દ્વારા જાતિને લઈને ટિપ્પણી કરવામાં આવી હતી. જેમાં એક મત ન આપે તો કામ નહીં થાય તેવી વાત હતી. આ પછી, કુશવાહા સમુદાયના લોકો પર ટિપ્પણી કરતા તેમણે એમ પણ કહ્યું કે તેમણે લાલુ યાદવ પાસે જવું જોઈએ. જેના કારણે આપણા સમાજની છબી ખરડાઈ છે. જેનાથી વ્યથિત આ પરિવારે ફરિયાદ નોંધાવી છે. આ બાબતને ગંભીરતાથી લઈને યોગ્ય કાર્યવાહી કરવા કોર્ટને અપીલ છે.
તમને જણાવી દઈએ કે તાજેતરમાં જ જેડીયુ સાંસદ દેવેશ ચંદ્ર ઠાકુરે કહ્યું હતું કે હવે તેઓ કુશવાહ, યાદવ અને મુસ્લિમો માટે કોઈ કામ નહીં કરે. જો યાદવ અને મુસ્લિમ સમાજના લોકો કોઈ કામ કરાવવા આવે તો ચોક્કસ આવે પણ ચા-નાસ્તો કરીને પાછા જાય. સીએમ નીતીશ કુમારના નજીકના સાંસદો અહીં જ ન અટક્યા. તેમણે વધુમાં કહ્યું કે જ્યારે યાદવો અને મુસ્લિમો મતદાન કરતી વખતે તીર ચિહ્નમાં પીએમ નરેન્દ્ર મોદીનો ચહેરો જુએ છે, તો પછી હું તમારા માટે કામ કરતી વખતે લાલુ અને ફાનસનો ચહેરો કેમ ન જોઉં. તમે બધા મારી જગ્યાએ આવજો. ચા પીઓ, મીઠાઈઓ ખાઓ પણ કામની વાત ન કરો. હું આ પહેલીવાર કહી રહ્યો છું અને હવે પણ આવું જ કરીશ.