લખનૌ, દેશના પાંચ રાજ્યોમાં વિધાનસભાની ચૂંટણી પૂર્ણ થઈ ગઈ છે. આમાંથી ચાર રાજ્યોના પરિણામો પણ જાહેર કરવામાં આવ્યા છે, જ્યારે એક રાજ્ય મિઝોરમમાં આજે મતગણતરી ચાલી રહી છે. જે ચાર રાજ્યોના પરિણામો જાહેર થયા છે તેમાંથી ભારતીય જનતા પાર્ટીએ બહુમતી સાથે ત્રણ રાજ્યોમાં જીત મેળવી છે. આવી સ્થિતિમાં બહુજન સમાજ પાર્ટીના અધ્યક્ષ માયાવતીએ ભાજપની આ જીત વિશે કહ્યું કે આ વિચિત્ર પરિણામ ગળે ઉતરવું ખૂબ મુશ્કેલ છે. તેમણે બસપા કાર્યર્ક્તાઓને લોક્સભા ચૂંટણીની તૈયારી શરૂ કરવાની પણ અપીલ કરી છે. તેમણે ૧૦ ડિસેમ્બરે લખનઉમાં યોજાનારી બસપાની બેઠક વિશે પણ માહિતી આપી છે. આ બેઠકમાં આગામી આયોજનો અંગે ચર્ચા કરવામાં આવશે.
ટ્વીટ કરતી વખતે માયાવતીએ લખ્યું કે, દરેક માટે શંકા, આશ્ર્ચર્ય અને ચિંતા થવી સ્વાભાવિક છે કારણ કે દેશના ચાર રાજ્યોમાં તાજેતરમાં યોજાયેલી સામાન્ય ચૂંટણીના પરિણામો એક પક્ષની તરફેણમાં એક્તરફી હતા. કારણ કે ચૂંટણીના સમગ્ર વાતાવરણને જોતા લોકો માટે આવા વિચિત્ર પરિણામને ગળે ઉતરવું ઘણું મુશ્કેલ છે.
તેમણે વધુમાં લખ્યું હતું કે, સમગ્ર ચૂંટણી દરમિયાન વાતાવરણ તદ્દન અલગ અને નજીકની લડાઈ જેવું રસપ્રદ હતું, પરંતુ ચૂંટણી પરિણામ તેનાથી સંપૂર્ણપણે અલગ અને સંપૂર્ણપણે એક્તરફી હોવાના કારણે એક એવો રહસ્યમય મામલો છે કે જેના પર ગંભીરતાથી વિચારવાની અને તેના ઉકેલની જરૂર છે. લોકોની નસને સમજવામાં એક ભયંકર ‘ભૂલ’, ચૂંટણીની ચર્ચાનો નવો વિષય.
માયાવતીએ ટ્વિટર પર લખ્યું કે, બસપાના તમામ લોકોએ તન, મન, ધન અને તાકાતથી આ ચૂંટણી લડી, જેનાથી વાતાવરણમાં નવું પ્રાણ ફૂંકાયા. પરંતુ તેઓએ આવા વિચિત્ર પરિણામોથી નિરાશ ન થવું જોઈએ, બલ્કે પરમ પૂજ્ય બાબા સાહેબ ડૉ. ભીમરાવ આંબેડકરના જીવન સંઘર્ષમાંથી પ્રેરણા લઈને આગળ વધવાનો પ્રયાસ કરતા રહેવું જોઈએ. તેમણે આગળ લખ્યું કે આ ચૂંટણી પરિણામના સંદર્ભમાં ૧૦મી ડિસેમ્બરે લખનઉમાં પાર્ટીની અખિલ ભારતીય બેઠક બોલાવવામાં આવશે. જેમાં ગ્રાઉન્ડ રિપોર્ટ અને લોક્સભા ચૂંટણીની નવી તૈયારીઓ પર ચર્ચા કરવામાં આવશે. આંબેડકરવાદી ચળવળ ચૂંટણી પરિણામોથી પરેશાન થયા વિના આગળ વધવાની હિંમત ક્યારેય ગુમાવશે નહીં.