આગામી સપ્તાહે શરૂ થઈ રહેલા સંસદના ચોમાસા સત્ર દરમિયાન ડિઝાસ્ટર મેનેજમેન્ટ એક્ટમાં સુધારા સહિત છ નવા બિલ રજૂ કરવામાં આવશે.લોક્સભા સચિવાલય દ્વારા જારી કરવામાં આવેલા બુલેટિનમાં આ બિલોની યાદી પ્રકાશિત કરવામાં આવી હતી. ચોમાસુ સત્ર ૨૨ જુલાઈથી શરૂ થશે અને ૧૨ ઓગસ્ટ સુધી ચાલશે.
નાણામંત્રી નિર્મલા સીતારમણ મંગળવારે કેન્દ્રીય બજેટ રજૂ કરશે. ફાઇનાન્સ બિલની સાથે, સૂચિબદ્ધ અન્ય બિલોમાં ભારતીય વિમાન બિલ ૨૦૨૪, બોઇલર બિલ, કોફી (પ્રમોશન એન્ડ ડેવલપમેન્ટ) બિલ અને રબર (પ્રમોશન એન્ડ ડેવલપમેન્ટ) બિલનો સમાવેશ થાય છે. દરમિયાન, લોક્સભાના સ્પીકર ઓમ બિરલાએ સંસદીય કાર્યસૂચિ નક્કી કરવા માટે બિઝનેસ એડવાઇઝરી કમિટીની પણ રચના કરી છે.
લોક્સભા અયક્ષની અયક્ષતાવાળી સમિતિમાં સુદીપ બંદોપાયાય (ટીએમસી), પીપી ચૌધરી (ભાજપ), લવુ કૃષ્ણ દેવરાયાલુ (ટીડીપી), નિશિકાંત દુબે (ભાજપ), ગૌરવ ગોગોઈ (કોંગ્રેસ), સંજય જયસ્વાલ (ભાજપ), દિલેશ્ર્વર કામત (જેડીયુ)નો સમાવેશ થાય છે. ), ભર્તૃહરિ મહતાબ (ભાજપ), દયાનિધિ મારન (ડીએમકે), બૈજયંત પાંડા (ભાજપ), અરવિંદ સાવંત (શિવસેના-યુબીટી), કે. સુરેશ (કોંગ્રેસ), અનુરાગ ઠાકુર (ભાજપ) અને લાલજી વર્મા (એસપી) સભ્ય બન્યા છે.