હવે ચીનના કેટલાક શહેરોમાં પણ વિદેશી હોસ્પિટલો ખોલવાની તૈયારી ચાલી રહી છે. ચીનના સરકારી દસ્તાવેજ અનુસાર, વિદેશી રોકાણ બેઇજિંગ, તિયાનજિન, શાંઘાઈ, નાનજિંગ, સુઝોઉ, ફુઝો, ગુઆંગઝુ, શેનઝેન અને સમગ્ર હૈનાન ટાપુમાં હોસ્પિટલો ખોલવાની મંજૂરી આપશે. ચીનના આ પગલા બાદ ભારતીય કોર્પોરેટ હેલ્થ સેક્ટરમાં ઉત્સાહ જોવા મળી રહ્યો છે. ઘણા કોર્પોરેટ હાઉસ અહીં રોકાણ કરવા તૈયાર છે. પરંતુ નિષ્ણાતોનું કહેવું છે કે ભારતીય અને વિદેશી કોર્પોરેટ્સને ચીનમાં રોકાણ કરવામાં અનેક પડકારોનો સામનો કરવો પડી શકે છે.
ચીનના વાણિજ્ય મંત્રાલય, નેશનલ હેલ્થ કમિશન અને નેશનલ મેડિકલ પ્રોડક્ટ્સ એડમિનિસ્ટ્રેશને સંયુક્ત દસ્તાવેજમાં જણાવ્યું છે કે હોસ્પિટલોની સ્થાપના માટેની શરતો, જરૂરિયાતો અને પ્રક્રિયાઓ પછીની તારીખે જાહેર કરવામાં આવશે. ચીનના પાયલોટ ફ્રી ટ્રેડ ઝોન બેઇજિંગ, શાંઘાઈ અને ગુઆંગડોંગ અને ફ્રી ટ્રેડ પોર્ટ હૈનાનમાં વિદેશી સાહસોને માનવ સ્ટેમ સેલ, જનીન નિદાન અને સારવાર સંબંધિત તકનીકો વિક્સાવવા અને લાગુ કરવાની મંજૂરી છે. અહીં હેલ્થકેર પ્રોડક્ટ્સ રજીસ્ટર, લોન્ચ અને પ્રોડ્યુસ કરવામાં આવે છે.દસ્તાવેજ જણાવે છે કે સાહસોએ ચીનના કાયદા અને નિયમોનું પાલન કરવું જોઈએ અને માનવ આનુવંશિક સંસાધન વ્યવસ્થાપન, ડ્રગ ક્લિનિકલ ટ્રાયલ, દવાની નોંધણી, ઉત્પાદન અને નૈતિક સમીક્ષા સંબંધિત જરૂરિયાતોને પૂર્ણ કરવી જોઈએ. તેમને મેનેજમેન્ટ પ્રક્રિયાઓનું પાલન કરવાનું પણ કહેવામાં આવે છે.
ચીને ૨૦૧૪માં પણ આવી જ જાહેરાત કરી હતી. કેટલીક ભારતીય કોર્પોરેટ હોસ્પિટલોએ આમાં રસ દાખવ્યો હતો. આ પછી, દેશની ટોચની કોર્પોરેટ હોસ્પિટલોના આરોગ્ય વ્યાવસાયિકોએ ચીનની મુલાકાત લીધી અને ચીનમાં તેમનું નેટવર્ક વિસ્તારવામાં રસ દર્શાવ્યો, પરંતુ આગળ કંઈ થયું નહીં. નિષ્ણાતો માને છે કે ચીનમાં ખાનગી કંપનીઓને આ ક્ષેત્રમાં આમંત્રિત કરવાથી તબીબી સંસાધનોની અડચણ ઓછી થશે. જો કે, ભારતીય કોર્પોરેટ હોસ્પિટલો ચીનમાં સાહસ સ્થાપવામાં દ્વિપક્ષીય તણાવની અસરનો સામનો કરી શકે છે.
ચીનની જાહેરાત પર, સિપ્લા (ચાઇના) ફાર્માસ્યુટિકલ્સના વાઇસ પ્રેસિડેન્ટ અને પ્રાદેશિક વડા શ્રીધર સુબ્રમણ્યમે કહ્યું કે આ એક સકારાત્મક વિકાસ છે. તેમણે કહ્યું કે આ પ્રયોગ ઘણા વર્ષો પહેલા શાંઘાઈમાં કરવામાં આવ્યો હતો. બાદમાં તેમાં ફેરફાર કરવામાં આવ્યો હતો. હવે તેને ફરીથી શરૂ કરવામાં આવી રહી છે. તેમણે કહ્યું કે ભારતમાં ઘણી કોર્પોરેટ હોસ્પિટલો છે જે તેમના વૈશ્ર્વિક વિસ્તરણને વધારી રહી છે. જેમાં ફોટસ, એપોલો, મેક્સ, નારાયણ હૃદયાલય સહિત અનેક સંસ્થાઓનો સમાવેશ થાય છે. તેઓ વિશ્ર્વ કક્ષાની હોસ્પિટલો સ્થાપવામાં નિપુણતા ધરાવે છે અને ત્નઝ્રૈં પ્રમાણપત્ર પ્રાપ્ત કર્યું છે.
તેમણે કહ્યું કે ચીનમાં હોસ્પિટલની સ્થાપનામાં કેટલાક પડકારો છે. કારણ કે ચાઈનીઝ હેલ્થકેર અને હોસ્પિટલની સિસ્ટમ અને મેનેજમેન્ટ વિદેશ કરતા ઘણી અલગ છે. વિદેશી ગ્રાહકો માટે વિદેશી હોસ્પિટલો બનાવવાનો કોઈ અર્થ નથી કારણ કે તે ખૂબ જ ઓછી સંખ્યા છે. વિદેશી હોસ્પિટલોનો મુખ્ય ઉદ્દેશ્ય સ્થાનિક વસ્તીના હિતોની સેવા કરવાનો રહેશે. સારી ટ્રીટમેન્ટ ટેક્નોલોજી વિદેશથી લાવવી પડશે અને સ્થાનિક પરિસ્થિતિઓ, રિઇમ્બર્સમેન્ટ અને મેનેજમેન્ટ અનુસાર તેની સ્થાપના કરવી પડશે. સુબ્રમણ્યમે કહ્યું કે કોઈપણ હોસ્પિટલ માટે ઈન્ફ્રાસ્ટ્રક્ચર, મેનેજમેન્ટ અને ક્લિનિકલ એક્સપર્ટીઝ ખૂબ મહત્વ ધરાવે છે. તમારી જાતને કોઈ ક્ષેત્રમાં સ્થાપિત કરવા માટે, તમારી પાસે સ્થાનિક ક્લિનિકલ કુશળતા હોવી જરૂરી છે અને ચીનમાં આ સરળ નથી. કારણ કે મોટા ભાગના ચાઈનીઝ ડોક્ટરો મોટી હોસ્પિટલોમાં કામ કરે છે.