દાહોદ, ગુજરાત સરકારના ભ્રષ્ટાચાર મુક્ત પારદર્શક વહીવટ કરવાના વચનોમાં નકલી સરકારી કચેરીઓની ઘૂસણખોરીઓ થી વહીવટી સત્તાધીશો ખરેખર અજાણ હશે ?!
ગુજરાત સરકારના આદિવાસી પ્રજાજનોના વિકાસ માટેની ઝંખનાઓને સાકાર કરવાના આ પારદર્શક વહીવટના વચનોમાં અબુબકર આણી મંડળીના નકલી કાર્યપાલક ઈજનેર સંદિપ રાજપુતની બોગસ સરકારી કચેરીઓના છોટાઉદેપુર અને દાહોદ માંથી કરોડો રૂપિયાની સરકારી ગ્રાન્ટના નાણાં સગેવગે કરવાના બહાર આવેલા ચોકાવનારા મહાકૌભાંડમાં છોટાઉદેપુર અને દાહોદ પ્રાયોજના વહીવટદાર કચેરીના નકલી સરકારી કચેરીઓને કરોડો રૂપિયાની સરકારી ગ્રાન્ટના નાણાં છેલ્લા પાંચ વર્ષોથી ખેરાત કરવાના આ વહીવટોઓમાં બંને જીલ્લાઓના જવાબદાર ઉચ્ચજીલ્લા સત્તાધીશોના વહીવટો નકલી સરકારી કચેરીઓના વહીવટોઓમાં ઊંઘતા ઝડપાયા હોવાની આ ચર્ચાઓ પણ ખરેખર ગંભીર બાબતો છે કેમ કે દરેક જીલ્લા સત્તાધીશો પોતાના કાર્યક્ષેત્ર માં આવતી સરકારી કચેરીઓથી વાકેફ હોય જ ત્યારે વધારાની આ નકલી સરકારી કચેરીઓએ અસલી વહીવટીઓમાં કેવી રીતે ધુસણખોરી કરી આ વિષય પણ તપાસો માંગે એવા છે.
જો કે, દાહોદ અને છોટાઉદેપુર પોલીસ તંત્રની નકલી સરકારી કચેરીઓના મહાકૌભાંડ સામે સમાંતરે ચાલી રહેલ ઝીણવટપૂર્વકની તપાસો આગામી દિવસોમાં ગાંધીનગર સુધી પહોચે એવા સંકેતો દેખાઈ રહ્યા છે. નકલી સરકારી કચેરીઓ ઊભી કરીને પ્રાયોજના વહીવટદાર કચેરીના આશીર્વાદો થી સરકારી ગ્રાન્ટના કરોડો રૂપિયાના નાણાં સગેવગે કરવાના અબુબકર આંણી મંડળીના આ મહાકૌભાંડ સામે દાહોદ પોલીસ તંત્રની તપાસો પ્રતિદીન જે પ્રમાણે સખ્ત બની છે. આ જોતા સરકારી ગ્રાન્ટના કરોડ રૂપિયાને સગેવગે કરવા માટે ઉપયોગમાં લેવાયેલા બેંક ખાતાઓમાં અમદાવાદનો નરોત્તમ પરમાર પોલીસ સંકજામા આવ્યા બાદ વધુ ત્રણ શકમંદ ચહેરાઓની દાહોદ પોલીસ દ્વારા સતત પૂછપરછો કરાઈ રહી છે. એમાં ચોકાવનારા રહસ્યો બહાર આવવાની સંભાવનાઓ વ્યક્ત કરાઈ રહી છે.