રાજનાંદગાંવ, કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ રાજનાંદગાંવના થેકવા ગામમાં ’ભરોસે કા સંમેલન’ કાર્યક્રમમાં ભાગ લીધો હતો. આ સંમેલનમાં મુખ્યમંત્રી ભૂપેશ બઘેલ, નાયબ મુખ્યમંત્રી ટી.એસ. સિંહદેવ, ગૃહમંત્રી અને મોટી સંખ્યામાં જનપ્રતિનિધિઓ અને ગ્રામજનો હાજર છે.
કોન્ફરન્સને સંબોધિત કરતી વખતે સીએમ બઘેલે પૂર્વ સીએમ રમણ સિંહ પર આકરા પ્રહારો કર્યા હતા. સીએમએ કહ્યું કે રાજનાંદગાંવનું નામ રાજ્યના ૧૦ પછાત જિલ્લામાં સામેલ છે. ભાજપ સરકારે રાજ્યમાં લુંટ ચલાવી છે, ચૂંટણીના કારણે પેટ્રોલ અને ડીઝલના ભાવમાં ઘટાડો કરવામાં આવ્યો છે. સીએમએ કહ્યું કે કોઈપણ સંજોગોમાં ખેડૂતો પાસેથી પ્રતિ એકર ૨૦ ક્વિન્ટલ ડાંગર ખરીદવામાં આવશે. સરકાર સમાજના દરેક વર્ગને પૈસા આપી રહી છે, પછી તે ગાયપાલકો હોય, ખેડૂતો હોય કે જમીન વિહોણા મજૂરો હોય. તેમજ ભાજપ પર કટાક્ષ કરતા તેમણે કહ્યું કે કમળમાં બટન દબાવવાથી અદાણીને ફાયદો થશે.
જ્યારે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ ’ભરોસે કા સંમેલન’ કાર્યક્રમને સંબોધિત કરતા કહ્યું કે છત્તીસગઢ વિશ્ર્વાસની ભૂમિ છે. હું સંસ્કારધારી આવ્યો તે પહેલા હું જાંજગીર આવી ગયો હતો. છત્તીસગઢમાં આ વખતે ફરી કોંગ્રેસની સરકાર બનશે. પીએમ મોદી પર કટાક્ષ કરતા તેમણે કહ્યું કે આ મોદીનું ગુજરાત મોડલ નથી, આ ભૂપેશ બઘેલ અને કેબિનેટ મંત્રીઓનું છત્તીસગઢ મોડલ છે.