છેલ્લા બે દિવસથી સોના અને ચાંદીમાં તોફાની વધઘટ જોવાઈ છે. ખાસ કરીને ચાંદીમાં બેતરફી વધઘટનો માહોલ છે. સ્થાનિકમાં ચાંદી બુધવારે ~2,000 ઘટ્યા બાદ ગુરુવારે ~3,000 વધીને ~65,000 રહી હતી. ચાંદી હાલમાં જોવાયેલી ટોચથી ~11,000 સુધી ઘટ્યા બાદ ફરીથી ~3,000 રિકવર થઈ હતી. જ્યારે રૂપિયામાં મજબૂતાઈ પાછળ સોનામાં ઘટાડો જળવાયો હતો. સોનું વધુ ~200 ઘટીને ~52,500 રહેતાં ટોચથી ~6500 સસ્તું થયું છે. વૈશ્વિક સ્તરે કિંમતી ઘાતુમાં મોટી વધઘટની અસર સ્થાનિકમાં થઈ હતી.
જીયો-પોલિટીકલ અસ્થિરતા પાછળ સોનું 1,905 ડોલરથી ઊછળીને 1,949 ડોલર થયા બાદ ફરીથી નરમાઈ તરફી બન્યું હતું અને આગલા દિવસની સામે 12.50 ડોલર ઘટીને 1,942 ડોલર રહ્યું હતું. જ્યારે ચાંદી પણ વધ્યા મથાળેથી 31 સેન્ટ ઘટીને 27.23 ડોલર મૂકાતી હતી.અમેરિકાના ફેડરલ રિઝર્વના ચેરમેન જેકશન હોલ ખાતે કેવા સંબોધન કરે છે તેની પર બુલિયન માર્કેટની નજર રહી હતી. અમેરિકા અને ચીન વચ્ચેના તણાવભર્યા સંબધોની અસર પણ બુલિયન માર્કેટ પર રહી છે અને તેને કારણે સોનું ઘટ્યા મથાળેથી ઝડપથી રિકવર થઈ જાય છે. સોનામાં હાલ 1,905 સપોર્ટ લેવલ અને 1,950 પ્રતિકાર સ્તર ગણવામાં આવે છે. દરમિયાન સ્થાનિક વાયદા બજારમાં મોડી સાંજે સોનું ~338 અને ચાંદી ~632 ઘટીને ટ્રેડ થતાં હતા. ક્રૂડના ભાવ પણ વાયદામાં સાધારણ નરમ હતા.