ચેમ્પિયન્સ ટ્રોફી ૨૦૨૫ને લઈને પાકિસ્તાન ઘણા દિવસોથી પરેશાન છે. પરંતુ હવે એક ખુશખબરી બીસીસીઆઇના સચિવ જય શાહે પાકિસ્તાનને આપી દીધી છે. જય શાહની અધ્યક્ષતા વાળી બીસીસીઆઇની એક કમિટીએ ચેમ્પિયન્સ ટ્રોફી માટે પાકિસ્તાનનું બજેટ પાસ કરી દીધુ છે. મેગા ઈવેન્ટનું આયોજન ૨૦૨૫ની શરૂઆતમાં થવાનું છે.પરંતુ ભારતીય ટીમ ટૂર્નામેન્ટ રમવા માટે પાકિસ્તાન જશે કે નહીં આ વાતની અત્યાર સુધી પુષ્ટી નથી થઈ શકી.
પાકિસ્તાન ચેમ્પિયન્સ ટ્રોફીની મેજબાની અને ભારતને પાકિસ્તાન બોલાવવા માટે આતુર છે. અહું સુધી કે પાકિસ્તાને આઈસીસીને મેગા ઈવેન્ટ માટે ડ્રાટ શેડ્યુલ પણ આપી દીધુ છે. જેમાં ભારતની બધી મેચ લાહોરમાં રમાશે. પરંતુ આઈસીસી અને બીસીસીઆઈએ ટીમ ઈન્ડિયાના પાકિસ્તાન જવાના મુદ્દા પર ચુપ્પી સાધી રાખી છે. કોલંબોમાં થયેલી વાષક મીટિંગમાં આ મુદ્દા પર કોઈ ચર્ચા નથી થઈ. પરંતુ હવે જય શાહે પાકિસ્તાનને એક ગુડ ન્યૂઝ આપી દીધી છે.
આંતરરાષ્ટ્રીય ક્રિકેટ પરિષદની તરફથી પાકિસ્તાનમાં થવા જઈ રહેલી ચેમ્પિયન્સ ટ્રોફીના આયોજન માટે લગભગ સાત કરોડ અમેરિકી ડોલરના બજેટને મંજૂરી આપવામાં આવી ગઈ છે.એક સૂત્રના જણાવ્યા અનુસાર બીસીસીઆઇ સચિવ જય શાહની અધ્યક્ષતા વાળી બીસીસીઆઇની નાણાકીય અને વાણિજ્ય કમિટીએ આ બજેટને આગળ વધાર્યું છે. સૂત્રોના જણાવ્યા અનુસાર ટૂર્નામેન્ટ માટે કુલ બજેટ સાત કરોડ ડોલરની આસપાસ છે અને બાકી ખર્ચા માટે ફક્ત ૪૫ લાખ ડોલર આપવામાં આવ્યા છે.