કેનેડાની રાજધાની ટોરોન્ટોથી પેરિસ જતી ફ્લાઈટમાં આગ લાગી હતી. રનવે પરથી ટેકઓફ થયાની થોડી જ મિનિટોમાં આગ ફાટી નીકળી હતી. આગની માહિતી મળતાની સાથે જ પાયલટે ડહાપણ બતાવ્યું અને પ્લેનને નીચે લાવ્યું. આ રીતે પ્લેનમાં સવાર ૪૦૨ લોકોના જીવ બચી ગયા. વિમાનમાં આગ લાગવાની ઘટના મોડી રાત્રે બની હતી. તેનો વીડિયો હાલ સોશિયલ મીડિયા પર વાયરલ થઈ રહ્યો છે.
વીડિયોમાં જોવા મળી રહ્યું છે કે પ્લેન ટેક ઓફ કરતાની સાથે જ તેમાં આગ લાગી જાય છે. આ આગ પ્લેનના જમણા એન્જિનમાં શરૂ થાય છે. આ કારણે રાતના અંધારામાં એરક્રાફ્ટમાંથી તણખા નીકળવા લાગે છે, એર ટ્રાફિક કંટ્રોલે આ આગ જોતાં જ પાયલટને તરત જ જાણ કરી હતી.
પાયલોટે ’પાન-પાન’ની બૂમો પાડીને તાત્કાલિક ઈમરજન્સી જાહેર કરી અને એટીસીને તાત્કાલિક રનવે ખાલી કરવાની માંગ કરી. હજાર ફૂટની ઊંચાઈએ ઉડતું પ્લેન નીચે લાવવામાં આવ્યું હતું. આ પછી એરપોર્ટ ક્રૂ મેમ્બરોએ પ્લેનમાં લાગેલી આગને બુઝાવી દીધી અને તમામ મુસાફરોને સુરક્ષિત બહાર કાઢવામાં આવ્યા. એર કેનેડા ૭૭૭ વાઈડ બોડી પ્લેનમાં બુધવારે બપોરે ૧૨:૧૭ વાગ્યે (ટોરોન્ટો સમય) આગ લાગી હતી, એમ એરપોર્ટ ઓથોરિટીએ જણાવ્યું હતું. રાત્રે ૧૨.૩૯ વાગે એર ટ્રાફિક કંટ્રોલ એ પ્લેનના પાયલટને આ જાણકારી આપી. આ પ્લેનમાં ૪૦૨ લોકો સવાર હતા, જેમાં ૩૮૯ મુસાફરો અને ૧૩ ક્રૂ મેમ્બર હતા.
આ સમગ્ર ઘટના પર સોશિયલ મીડિયા પ્લેટફોર્મ ઠ યુઝર ક્રિસ હેડફિલ્ડે કહ્યું કે પાયલટ અને એટીસીની સતર્કતાને કારણે સેંકડો મુસાફરોના જીવ બચી ગયા છે. હેડફિલ્ડે ’યુ કેન સી એટીસી’ નામનો યુટ્યુબ વીડિયો શેર કર્યો છે. તે સ્પષ્ટપણે જોઈ શકાય છે કે પ્લેન ટેકઓફ થતાં જ તેના જમણા એન્જિનમાં આગ લાગી જાય છે. વિમાન લગભગ ૧૦૦૦ ફૂટની ઉંચાઈ પર હતું.