નવીદિલ્હી, બિગ બોસ ૧૭ના પહેલા દિવસથી જ આ શો ચર્ચામાં છે. શોના કારણે હેડલાઈન્સમાં છવાયેલી અભિનેત્રી અંક્તિા લોખંડે લાઈમલાઈટમાં રહે છે. પોતાના પતિ વિકી જૈન સાથે બિગ બોસના ઘરમાં આવેલી અંક્તિા ક્યારેક તેના પતિ પ્રત્યે પઝેસિવ જોવા મળે છે તો ક્યારેક તે પોતાનું ગ્રુપ બનાવતી જોવા મળે છે. દરમિયાન, અંક્તિાએ દિવંગત અભિનેતા અને તેના પૂર્વ બોયફ્રેન્ડ સુશાંત સિંહ રાજપૂત વિશે ઘણા ખુલાસા કર્યા છે. અંક્તિાએ પહેલીવાર સુશાંતને લઈને પોતાનું મૌન તોડ્યું છે.
બિગ બોસ ૧૭ના સ્પર્ધક મુનાવર ફારુકી સાથેની વાતચીત દરમિયાન અંક્તિાએ કહ્યું કે તે ૭ વર્ષથી સુશાંત સિંહ રાજપૂત સાથે રિલેશનશિપમાં છે. પવિત્ર રિશ્તા સીરિયલના સેટ પર બંને વચ્ચે પ્રેમ થયો અને આ સંબંધ ૭ વર્ષ સુધી ચાલ્યો. આ પછી તેઓનું બ્રેકઅપ થઈ ગયું. અંક્તિા કહે છે, ’તે એક રાતમાં ગાયબ થઈ ગયો, જ્યારે તેને સફળતા મળી રહી હતી ત્યારે લોકો તેના પર ધ્યાન આપી રહ્યા હતા’.
અંક્તિાએ કહ્યું કે તે સમયે તેમની વચ્ચે કોઈ પ્રેમ બાકી રહ્યો ન હતો. જ્યારે તેણે સુશાંતની આંખોમાં જોયું તો તેને પ્રેમ દેખાતો નહોતો. અંક્તિાએ વધુમાં કહ્યું કે સુશાંતે ક્યારેય બ્રેકઅપ અંગે કોઈ ખુલાસો કર્યો નથી. તે શા માટે અલગ થવા માંગતો હતો તે જણાવ્યું નથી. અંક્તિાએ એમ પણ કહ્યું કે સુશાંત તેની સાથે સંપર્કમાં રહી શક્યો હોત અને તેની સાથે શું થઈ રહ્યું હતું તે તેણીને કહી શક્યો હોત, પરંતુ તેણે તેમ કર્યું નહીં.
બ્રેકઅપ બાદ અંક્તિાએ સુશાંત સાથેના સંબંધોને લઈને પણ મોટો ખુલાસો કર્યો હતો. અંક્તિાએ કહ્યું કે બ્રેકઅપના દિવસ પછી તેણે સુશાંતને ક્યારેય જોયો નથી. તેના પતિ વિકી જૈન વિશે વાત કરતાં અંક્તિાએ કહ્યું કે, દલીલો દરમિયાન પણ હું તેની આંખોમાં મારા માટે પ્રેમ જોઉં છું.