આચાર્ય મરાઠે કોલેજ, ચેમ્બુર, મુંબઈ દ્વારા ડ્રેસ કોડ લાગુ કરવામાં આવ્યો હતો. કોલેજના આદેશ સામે બોમ્બે હાઈકોર્ટમાં અરજી દાખલ કરવામાં આવી હતી. આ મામલે સુનાવણી કરતી વખતે હાઈકોર્ટે કોલેજના આદેશમાં હસ્તક્ષેપ કરવાનો ઈક્ધાર કરી દીધો છે.
આ સાથે હાઈકોર્ટે વિદ્યાર્થીની ઓની અરજી ફગાવી દીધી હતી. હકીક્તમાં, આ મહિનાની શરૂઆતમાં આચાર્ય મરાઠે કોલેજમાં અભ્યાસ કરતી ૯ વિદ્યાર્થીનીઓએ કોલેજના આદેશ વિરુદ્ધ હાઈકોર્ટનો સંપર્ક કર્યો હતો જેમાં કહેવામાં આવ્યું હતું કે તે કોલેજમાં ભણતા છોકરા હોય કે છોકરીઓ, તેમણે હિજાબ, બુરખો ન પહેરવો જોઈએ. કૉલેજ પરિસરમાં નકાબ અથવા અન્ય કોઈ ધામક વો પહેરશે નહીં.
તેઓએ કોલેજ દ્વારા જારી કરાયેલ ડ્રેસ કોડનું પાલન કરવાનું રહેશે. ડ્રેસ કોડ નોટિસ શૈક્ષણિક વર્ષની શરૂઆતમાં જારી કરવામાં આવી હતી. કોલેજ પ્રશાસનનું કહેવું છે કે ડ્રેસ કોડનો નિયમ નવો નથી. આ નિયમ પહેલેથી જ અમલમાં છે. કોલેજના પ્રિન્સિપાલ વિદ્યા લેલેએ સ્પષ્ટ કર્યું કે કોલેજ કોઈ જાતિ કે ધર્મની વિરુદ્ધ નથી. કોલેજમાં ભણતા તમામ છોકરા-છોકરીઓ તેમના માટે સમાન છે.
પ્રિન્સિપાલે કહ્યું કે અમે ઇચ્છીએ છીએ કે બાળકો કોલેજ પ્રશાસન દ્વારા જારી કરાયેલા નિયમોનું પાલન કરે. કોલેજમાં માત્ર હિજાબ, નકાબ કે બુરખા જ નહીં પરંતુ અન્ય ધામક પોશાક પહેરવા પર પણ પ્રતિબંધ છે.
જ્યારે અમે કોલેજમાં અભ્યાસ કરતી વિદ્યાર્થીનીઓ સાથે કોલેજ દ્વારા જારી કરાયેલા નિયમો અંગે વાત કરી તો વિદ્યાર્થીઓએ કહ્યું કે હાઈકોર્ટના નિર્ણયને સુપ્રીમ કોર્ટમાં પડકારવો જોઈએ. કોલેજ દ્વારા ડ્રેસ કોડ અંગે જારી કરાયેલો નિયમ ખોટો છે. અમે કોલેજમાં હિજાબ, બુરખો કે નકાબ પહેરવા માંગીએ છીએ. જો આપણે હિજાબ કે બુરખો ન પહેરીએ તો અસ્વસ્થતા અનુભવીએ છીએ.