મુંબઇ, મેગાસ્ટાર ચિરંજીવીને ગણતંત્ર દિવસ ૨૦૨૪ ની પૂર્વ સંધ્યાએ ભારત સરકાર દ્વારા પદ્મ વિભૂષણથી સન્માનિત કરવામાં આવ્યા છે, ત્યારબાદ દક્ષિણ ફિલ્મ ઉદ્યોગના લોકોમાં જબરદસ્ત ઉજવણીનું વાતાવરણ છે. ચિરંજીવીના પુત્ર રામ ચરણ અને અલ્લુ અર્જુન સહિત ઘણા કલાકારોએ સોશિયલ મીડિયા પર પોસ્ટ કરીને ખુશી વ્યક્ત કરી અને અભિનેતાને અભિનંદન આપ્યા. આ અદ્ભુત સિદ્ધિની ઉજવણી કરવા માટે, ઉપાસના અને રામ ચરણે મેગા પરિવાર સાથે ડિનર પાર્ટીનું આયોજન કર્યું હતું જેમાં તેલંગાણાના સીએમ રેવન્ત રેડ્ડીએ પણ હાજરી આપી હતી. પીઢ અભિનેતાને પાંચ દાયકાથી વધુ સમય સુધી કલામાં તેમના યોગદાન બદલ એવોર્ડ મળ્યો હતો.
ચિરંજીવી અને રામ ચરણ દ્વારા આયોજિત પાર્ટીમાં તેલંગાણાના મુખ્યમંત્રી રેવન્ત રેડ્ડીની એન્ટ્રી ચર્ચામાં રહી છે. આ ડિનર પાર્ટીમાં તેલંગાણાના સીએમ ચિરંજીવીને અંગત રીતે અભિનંદન આપવા આવ્યા હતા. કવિતા કલવકુંતલા અને કિશન રેડ્ડી જેવી લોકપ્રિય રાજકીય હસ્તીઓ પણ ઉજવણીનો ભાગ હતી. જો કે બીઆરએસ પ્રમુખ અને પૂર્વ મંત્રી કેટીઆર પાર્ટીમાં જોડાઈ શક્યા નથી. બીઆરએસ પ્રમુખ કેટીઆર, જેઓ રાજકીય ક્ષેત્રે રામ ચરણના મિત્રોમાંના એક ગણાય છે, તે અગાઉ રામ ચરણની ’ધ્રુવ’ અને ’વિનય વિદ્યા રામ’ જેવી ઘણી ફિલ્મોના પ્રી-રીલીઝ ઈવેન્ટ્સમાં મુખ્ય અતિથિ તરીકે દેખાયા હતા.
મેગાસ્ટાર ચિરંજીવીએ પદ્મ વિભૂષણથી સન્માનિત થવાની ઉજવણી માટે ડિનર પાર્ટીનું આયોજન કર્યું હતું. આ પાર્ટીમાં ચિરંજીવીનો પરિવાર અને મિત્રો પણ જોવા મળ્યા હતા. રામ ચરણ અને તેમની પત્ની ઉપાસનાએ તેલંગાણાના મુખ્યપ્રધાન રેવન્ત રેડ્ડીનું ખાસ રીતે સ્વાગત કર્યું. એપોલો હોસ્પિટલમાંથી ભાજપના નેતા કોંડા વિશ્ર્વેશ્ર્વર રેડ્ડી, તેમની પત્ની સંગીતા રેડ્ડી. ઉપાસનાના માતા-પિતા, મંત્રી કોમાતિરેડ્ડી વેંકટ રેડ્ડી, નિર્માતા દિલ રાજુ અને ઘણા અગ્રણી લોકો પણ ડિનરમાં સામેલ થયા હતા. મુખ્યમંત્રીએ ચિરંજીવીને અભિનંદન પાઠવ્યા અને કહ્યું કે તેમનું પદ્મ વિભૂષણ જીતવું સમગ્ર રાજ્ય માટે ગર્વની વાત છે.
દક્ષિણ સુપરસ્ટાર ચિરંજીવી એક ભારતીય ફિલ્મ અભિનેતા અને રાજકારણી છે. ચિરંજીવીના વર્ક ફ્રન્ટની વાત કરીએ તો તેણે હિન્દી, તમિલ અને કન્નડ ફિલ્મોમાં કામ કર્યું છે. તેણે સુભાલેખા, પ્રણામ ખારુ, મન વૂરી પાંડવુલુ, રાની ક્સુલા રંગમ્મા અને ૪૭ નટકલ/૪૭ સહિત ઘણી ફિલ્મોમાં કામ કર્યું છે.