2024 શરૂ થઈ ગયું છે. આજે 1લી જાન્યુઆરી નિમિત્તે લોકો એકબીજાને શુભેચ્છા પાઠવતા જોવા મળે છે. ઘણી હસ્તીઓ સોશિયલ મીડિયા પર તેમના ફેન્સ માટે ન્યૂ યર 2024 વિશે પોસ્ટ પણ કરી રહી છે. આ બધાની વચ્ચે હાલમાં જ બોલિવૂડમાંથી એક સારા સમાચાર આવી રહ્યા છે. રિપોર્ટ્સ અનુસાર, ઈન્ડસ્ટ્રીનું એક સ્ટાર કપલ એકબીજા સાથે લગ્નના બંધનમાં બંધાવા જઈ રહ્યું છે.
લાંબા સમયથી એકબીજાને ડેટ કરી રહેલા આ કપલે લગ્નની તૈયારીઓ પણ શરૂ કરી દીધી છે અને હવે તેમના લગ્નને લગતી તમામ વિગતો ઈન્ટરનેટ પર લીક થઈ ગઈ છે. આ સેલિબ્રિટી કપલ છે રકુલ પ્રીત સિંહ અને જેકી ભગનાની. રકુલે સાઉથથી બોલિવૂડ એક્ટ્રેસ સુધીનો સફર પોતાના દમ પર કર્યો છે. તે જ સમયે, જેકી એક્ટર હોવાની સાથે એક જાણીતા નિર્માતા પણ બની ગયા છે.
બંને લાંબા સમયથી ડેટ કરી રહ્યા છે. હવે આ કપલે લગ્ન કરવાનો નિર્ણય લીધો છે. એક અહેવાલ મુજબ, જેકી અને રકુલ 2024ની શરૂઆતમાં પતિ-પત્ની બની જશે. એવું કહેવામાં આવી રહ્યું છે કે બંનેએ તેમના લગ્નની તારીખ તરીકે 22 ફેબ્રુઆરી પસંદ કરી છે. બંનેના લગ્ન પહેલાની વિધિ જાન્યુઆરીથી જ શરૂ થશે. જોકે, આ કપલે હજુ સુધી તેની સત્તાવાર જાહેરાત કરી નથી.
રકુલ અને જેકીએ ડેસ્ટિનેશન વેડિંગનું આયોજન કર્યું છે, જે ગોવામાં યોજાશે, પરંતુ સ્ટાર કપલે નક્કી કર્યું છે લગ્નમાં નજીકના લોકોને જ આમંત્રણ આપવામાં આવશે. આમાં ફક્ત પરિવાર અને નજીકના મિત્રો જ ભાગ લેશે. એવું પણ કહેવામાં આવી રહ્યું છે કે જેકી અને રકુલ નવા વર્ષના અવસર પર બેંગકોક ગયા છે અને તેઓ ત્યાં તેમની બેચલરેટ પાર્ટી પણ સેલિબ્રેટ કરી રહ્યા છે.