બેંક ઓફ બરોડા, જીલ્લા અગ્રણી બેંક – ખેડા દ્વારા 14 ઓગસ્ટ ના દિવસને રાષ્ટ્રીય વિભાજન વિભીષિકા સ્મૃતિ દિવસ તરીકે ઉજવવામાં આવનાર છે. આ દિવસને ભારતના ભાગલા દરમિયાન લોકોને થયેલ વિવિધ પીડાઓ અને યાતનાઓને યાદ કરીને ઉજવવામાં આવે છે.
વિભાજન દરમિયાન ઘણા બધા કુટુંબો નિરાધાર થયા હતા અને પોતાના પરિવારજનોને ગુમાવ્યા હતા. આ દિવસ ઉજવવાનો ઉદ્દેશ્ય ભારતીયોને પરસ્પર એકતા, માનવતા અને પરસ્પર સદભાવના કેળવવાનો હોય તે દિવસે ઊભી થયેલી અગમ્ય પરિસ્થિતીને યાદ કરીને લોકોમાં પરસ્પર દ્વેષ ભાવના નાબૂદ થાય અને ભારતીયોમાં એકતા સ્થાપિત કરવાનો છે. આ પ્રદર્શનીનું આયોજન તારીખ 13 ઓગસ્ટ 2024 થી 15 ઓગસ્ટ 2024 દરમિયાન સવારે 10 થી સાંજના 6 વાગ્યા દરમિયાન રૂડસેટ સંસ્થા, પેટલાદ રોડ, પ્રમુખ વાડીની આગળ, નડીઆદ ખાતે રાખવામા આવેલું છે.