અમેરિકાના લોરિડાના વેસ્ટ પામ બીચમાં રવિવારે (સ્થાનિક સમય) પૂર્વ રાષ્ટ્રપતિ ડોનાલ્ડ ટ્રમ્પને ફરી એકવાર નિશાન બનાવવામાં આવ્યા હતા. ગોલ્ફ કોર્સ પર રમતી વખતે ફાયરિંગ થયું હતું. આ ઘટનામાં તે સંપૂર્ણપણે સુરક્ષિત છે. રાષ્ટ્રપતિ ચૂંટણી ૨૦૨૪ પહેલા ટ્રમ્પની હત્યાના બીજા પ્રયાસને જોતા સનસનાટી મચી ગઈ છે. આ ઘટના બાદ એક શકમંદની અટકાયત કરવામાં આવી છે. આ ઘટના અંગે વ્હાઇટ હાઉસને જાણ કરવામાં આવી હતી. વ્હાઇટ હાઉસના નિવેદન અનુસાર, રાષ્ટ્રપતિ જો બિડેન અને ઉપરાષ્ટ્રપતિ કમલા હેરિસને ટ્રમ્પ ઇન્ટરનેશનલ ગોલ્ફ કોર્સમાં ગોળીબારની ઘટના વિશે માહિતી આપવામાં આવી હતી.
રિપોર્ટ્સ અનુસાર ફાયરિંગની ઘટના બાદ ટ્રમ્પે પોતાના સમર્થકોને મેસેજ આપ્યો હતો. તેણે કહ્યું કે હું સંપૂર્ણપણે સુરક્ષિત છું. મારી મિલક્ત પર ગોળીબાર થયો હતો. કોઈપણ પ્રકારની અફવા ફેલાવતા પહેલા હું તમને જણાવવા માંગુ છું કે હું સંપૂર્ણપણે સુરક્ષિત છું. અમે કોઈ પણ ભોગે ઝૂકીશું નહીં.
એફબીઆઈએ આ ઘટનાની તપાસ શરૂ કરી છે. ગુપ્તચર એજન્સી આ ગોળીબાર પાછળ કોનો હાથ છે તે શોધવાનો પ્રયાસ કરી રહી છે. આ ઉપરાંત ફાયરિંગની આ ઘટના સાથે કોણ-કોણ જોડાયેલ છે તે શોધવાના પણ પ્રયાસો કરવામાં આવી રહ્યા છે. કહેવામાં આવી રહ્યું છે કે ગોળીબાર લગભગ ૨ વાગ્યાની આસપાસ થયો હતો. ફાયરિંગની ઘટના બાદ તરત જ ગોલ્ફ કોર્સને સુરક્ષિત કરવામાં આવ્યો હતો.એફબીઆઈએ આ ઘટનાને હત્યાનો બીજો પ્રયાસ ગણ્યો છે. ટ્રમ્પની કેમ્પેઈન ટીમ અને ઈન્ટેલિજન્સ સવસે આ માહિતી આપી હતી. આ પહેલા જુલાઈમાં ટ્રમ્પની હત્યાનો પ્રયાસ કરવામાં આવ્યો હતો. ચૂંટણી પ્રચાર દરમિયાન એક યુવકે તેમના પર ફાયરિંગ કર્યું હતું. યોગાનુયોગ તે સુરક્ષિત રીતે બચી ગયો હતો. હુમલાખોરને તેની સુરક્ષા હેઠળ તૈનાત વિશેષ સુરક્ષા દળોએ તરત જ ઠાર માર્યો હતો.
ગોલ્ફ કોર્સ પાસે કથિત ગોળીબાર બાદ અમેરિકી ઉપરાષ્ટ્રપતિ કમલા હેરિસ ખુશ છે કે ભૂતપૂર્વ અમેરિકી રાષ્ટ્રપતિ ડોનાલ્ડ ટ્રમ્પ સુરક્ષિત છે. આ ઘટનાના સમાચાર સામે આવ્યા બાદ હેરિસે સોશિયલ મીડિયા પર એક પોસ્ટ શેર કરીને કહ્યું કે અમેરિકામાં હિંસા માટે કોઈ સ્થાન નથી. યુએસ વાઇસ પ્રેસિડેન્ટે ટ્વિટર પર લખ્યું, ’પૂર્વ રાષ્ટ્રપતિ ટ્રમ્પ અને લોરિડામાં તેમની પ્રોપર્ટીની નજીક ગોળીબારના અહેવાલ વિશે મને જાણ કરવામાં આવી છે અને મને ખુશી છે કે તેઓ સુરક્ષિત છે. તેણે કહ્યું, ’અમેરિકામાં હિંસાને કોઈ સ્થાન નથી.’વ્હાઇટ હાઉસના જણાવ્યા અનુસાર, ઉપરાષ્ટ્રપતિ કમલા હેરિસ અને રાષ્ટ્રપતિ જો બિડેન બંનેને પૂર્વ રાષ્ટ્રપતિ સાથે સંબંધિત સુરક્ષા મુદ્દા વિશે જાણ કરવામાં આવી છે. રવિવારે જ્યારે તે ગોલ્ફ રમી રહ્યો હતો ત્યારે ડોનાલ્ડ ટ્રમ્પ સુરક્ષિત હોવાનું જાણીને બંનેને રાહત થઈ છે