બિહાર વિધાનસભામાં ગુરુવારે ભારે હોબાળો થયો જ્યારે વિપક્ષી સભ્યોએ, મુખ્યમંત્રી નીતિશ કુમારની આગેવાની હેઠળની શાસક સરકારમાં અવિશ્ર્વાસ દર્શાવતા, ગૃહની મયમાં સમાંતર કાર્યવાહી ચલાવવાનો પ્રયાસ કર્યો. વિપક્ષી મહિલાઓએ ગુરુવારે મહિલા ધારાસભ્યો પ્રત્યે ગૃહની અંદર મુખ્યમંત્રીના અનાદરપૂર્ણ વર્તન અને એક દિવસ પહેલા રાષ્ટ્રીય લોક્તાંત્રિક ગઠબંધન (એનડીએ) સરકારની કથિત નિષ્ફળતાઓને ઉજાગર કરવા માટે વિધાનસભા તરફ કૂચ કરી રહેલા કોંગ્રેસના કાર્યકરો પર લાઠીચાર્જનો વિરોધ કર્યો હતો ધારાસભ્યએ કાળી પટ્ટી પહેરી હતી.
વિપક્ષી સભ્યોના હોબાળા વચ્ચે ગૃહના અયક્ષ નંદ કિશોર યાદવે પ્રશ્ર્નોત્તરીકાળ ચલાવવાનો નિર્ણય કર્યો અને કર્મચારીઓ માટે રાખવામાં આવેલા ફનચરને ઉથલાવી દેવાનો પ્રયાસ કરી રહેલા વિપક્ષી સભ્યોને ચેતવણી આપતાં કહ્યું કે, આ વિધાનસભાના કર્મચારીઓ છે. જો તમારી હરક્તોથી કોઈને ઈજા થશે તો હું સખત કાર્યવાહી કરવા મજબૂર થઈશ. ગૃહની મયમાં બેઠેલા વિપક્ષી સભ્યોએ સીપીઆઈ (એમએલ) ધારાસભ્ય દળના નેતા મહેબૂબ આલમને ખુરશી પર બેસાડીને અને તેમને ગૃહના સ્પીકર તરીકે સંબોધીને સમાંતર કાર્યવાહી ચલાવવાનો નિષ્ફળ પ્રયાસ કર્યો.
પ્રશ્ર્નકાળ પૂરો થયો ત્યાં સુધી વિપક્ષના ધારાસભ્યો ગૃહની મયમાં ઉભા રહ્યા પરંતુ બાદમાં તેઓએ આરોપ લગાવ્યો કે તેમનો અવાજ સંભળાતો નથી અને તેઓ ગૃહમાંથી વોકઆઉટ કરી ગયા હતા. વિપક્ષી દળોના સભ્યો દ્વારા ખસેડવામાં આવેલી અનેક સ્થગિત દરખાસ્તો પર કટાક્ષ કરતા સ્પીકરે કહ્યું, “તે વિચિત્ર છે કે આ દરખાસ્તો રજૂ કરનારાઓએ ગૃહમાં હાજર રહેવાની તસ્દી પણ લીધી ન હતી.
વિપક્ષી સભ્યોની ગેરહાજરીમાં ઝીરો અવર ચલાવ્યા બાદ સ્પીકરે ગૃહની કાર્યવાહી લંચ માટે સ્થગિત કરી દીધી હતી. દરમિયાન, રાજ્ય વિધાનસભાના ઉપલા ગૃહમાં વિપક્ષી સભ્યો દ્વારા પણ મહિલા ધારાસભ્યો પ્રત્યે મુખ્યમંત્રીના વર્તનનો મુદ્દો ઉઠાવવામાં આવ્યો હતો, જેના કારણે અયક્ષ અવધેશ કુમાર સિંહે બિહાર વિધાન પરિષદની કાર્યવાહી શરૂ થયાની થોડી મિનિટો બાદ જ સ્થગિત કરવી પડી હતી