મુંબઇ, ઘણા સમયથી ‘બિગ બોસ ઓટીટી’ સીઝન ૩ને લઈને વિવિધ પ્રકારના સમાચારો સામે આવી રહ્યા હતા. ક્યારેક તેની સ્ટ્રીમિંગ ડેટ વિશે ચર્ચાઓ થતી હતી તો ક્યારેક એવું કહેવામાં આવતું હતું કે કેટલાક કારણોસર આ સીઝન આવી રહી નથી. આખરે, જીયો સિનેમતાએ ચાહકોની મૂંઝવણ દૂર કરી છે. હા! બિગ બોસ ઓટીટી ૩ સંબંધિત એક ટીઝર જિયો સિનેમાના સત્તાવાર સોશિયલ મીડિયા હેન્ડલ પર રિલીઝ કરવામાં આવ્યું છે.
જેમાં કહેવામાં આવી રહ્યું છે કે આ સીઝન અન્ય સીઝન કરતા એકદમ અલગ રહેવાની છે. આ સાથે શોના હોસ્ટને લઈને પણ એક સંકેત આપવામાં આવ્યો છે.
ઘણા સમયથી એવું કહેવામાં આવી રહ્યું હતું કે આ વખતે સલમાન ખાન તેના કામના પ્રતિબદ્ધતાઓને કારણે શોને હોસ્ટ કરી શકશે નહીં. આ શોને હોસ્ટ કરવા માટે સંજય દત્ત, કરણ જોહર અને અનિલ કપૂરના નામ સામે આવી રહ્યા હતા. હવે જીયો દ્વારા શેર કરવામાં આવેલા ટીઝરમાં એ સ્પષ્ટ થઈ ગયું છે કે સલમાન નહીં તો આ સીઝન કોણ હોસ્ટ કરશે.
ટીઝરની શરૂઆતમાં, અગાઉની વિવિધ સીઝનની કેટલીક ઝલક બતાવવામાં આવી છે. ટીઝરની શરૂઆતમાં,બીબી ઓટીટી ૨ માં અભિષેક મલ્હાન અને અવિનાશ સચદેવ વચ્ચેની લડાઈ બતાવવામાં આવી છે, જેની સાથે એક અવાજ આવી રહ્યો છે જે કહે છે, ‘તમે આ લડાઈને ભૂલી જશો.’ પછી રૂબીના દિલેક અને અવિનાશ સચદેવની રોમેન્ટિક ડેટ અને તેજસ્વી પ્રકાશ અને કરણ કુન્દ્રાના પ્રેમને બતાવીને કહેવામાં આવી રહ્યું છે કે, ‘તમે આ લવ સ્ટોરીને ભૂલી જશો.’
‘બિગ બોસ ઓટીટી ૩’ જૂનમાં શરૂ થવા જઈ રહ્યું છે, તેની તારીખને લઈને હજુ સુધી કોઈ ખુલાસો થયો નથી. આ સાથે આ વખતના સ્પર્ધકોના નામ પણ હજુ સુધી જાહેર કરવામાં આવ્યા નથી.